الشاعر الكبير سعد بن جدلان الأكلبي
الا يالهبـوب البـارده عجـلـي هـبـي
على جاش من قامـت هواجيسـه أتلوبـه
انـا مـره اصـحـى ومــره يغيـبـي
واسـرح معـا كثـر الطـواري بغيبوبـه
الا يـا دهـر ماهـو بـحـق تلاعـبـي
وخليتـنـي لمـقـرد الخـلـق لعبـوبـه
اعـبـاد مغفلـهـا الـزمـان وتعجـبـي
يحسبون قـل المـال فالرجـل عذروبـه
وانـا قانـع باللـي علـي كاتبـه ربــي
ومومـن بمـقـدوره وقـانـع بمكتـوبـه
ولا ابغـى عمـا الاريـا برايـه يجربـي
وهو ماعـرف ماجـوب ربـي وماجوبـه
هدور المجالس راعـي المـدح والسبـي
وهو بالخلا لو جـاه بنـت خـذت ثوبـه
يقولون لي جـز مـن تصرفـك وتحبـي
وهي توتبي مـن مجتمعهـم هـي التوبـه
ديـار الوبـاء مـن طبهـا راح متـوبـي
وقرابة الجرباء علـى الحـول مجروبـه
انا عـارف منصـاي الا مـن بـدا نبـي
وعارف طريقـي والـذي باتجـه صوبـه
وانا اعرف من اعادي وانا اعرف من احبي
وبه نـاس لا تعـرف ولا هـي بمحبوبـه
Негізгі бет #سعد_بن_جدلان
No video
Пікірлер