♫ سعاد محمد ♫ من غير حب
قاسيت ولا حد قاسى قد ما قاسيت
لكن نسيت ما جرى لي لما أنا حبيت
من غير حب الدنيا دي ايه
من غير حب نعيش على إيه
إللي موافقه هواه يا هناه واللي ماحبش قلبي عليه
من غير حب الدنيا دي ايه
***
أنا كنت أعتب على أهل الهوى وألوم
واقعد مع الشامتين في العاشقين وأقول
شوف إيه جرى لك يا قلبي بعد ما حبيت
شفت يا قلبي نعيم وسرور
شفت قصور حواليها زهور
بعد الظلمة بقيت في النور
بعد دا كله ما احبش ليه من غير حب الدنيا دي إيه
***
كانت تغني الطيور فوق غصنها العالي
ولا كان غناها الجميل يخطر على بالي
وإيه جرى للبلابل لما أنا حبيت
يغني بلبل نشوان أتاريه على فرحي فرحان
وأنا أغني له وأرد عليه
من غير حب الدنيا دي إيه
من غير حب نعيش على إيه
إللي موافقه هواه يا هناه واللي ماحبش قلبي عليه
من غير حب الدنيا دي ايه
***
كلمات : بيرم التونسي
ألحان : أحمد صدقي
اجمل تحيات. . . كنوز الطرب
محمد عكاشة
Негізгі бет ♫ سعاد محمد ♫ من غير حب
Пікірлер: 15