شو بيشربوا اليابانيين؟
عدنا مع يوريكا :)
في كتيييير مشروبات شعبية و منتشرة باليابان بشكل كبير و بيشربوها اليابانيين بشكل يومي تقريباً
رح عرفكم على أشهر عشر مشروبات يابانية ما شفتها بالسوبرماركت والمحلات خلال زياراتي للدول العربية
1. واحد: رويال ميلك تي أو شاي الحليب الملكي, و هو ببساطة عبارة عن شاي دارجيلينغ مع حليب و سكر و ممكن نشربه ساخن أو بارد
2. اتنين: اللبن المحلى, بأغلب الدول العربية اللي زرتها كانوا الناس يشربوا لبن الزبادي المالح أو العيران, بس باليابان بتلاقي بكل المحلات شراب لبن حلو نكهات كتيرة متل الفراولة و الموز و التوت البري و الشوكولا...!
3. تلاتة: كالبيس وهو مشروب تقليدي أصله من منغوليا... و هو متل الحليب مع مياه عادية أو غازية و طعمته حلوة و رح تلاقيها شوي غريبة أول مرة
4. أربعة: صودا الشمّام (أو البطيخ الأصفر) وطعمته متل سفن أب بنكهة الشمام, والناس بيفضلوا يكون معها آيس كريم الفانيللا لهيك اليابانيين بيسمّوها "صودا الآيس كريم" وهي المشروب المفضل عند الصغار و المراهقين
5. خمسة: حليب الصويا و هاد الشراب متوفر بنكهات كتيرة متل الفريز و الموز و الشوكولا والماتشا وغيرها, وكمان منستخدمه بالطبخ متل الشوربة و غيرها
6. ستة: شراب ياكولت الشهير واللي اخترعه عالم ياباني اسمه Minoru Shirota و هو عبارة عن حليب مخمّر مفيد كتير للمعدة و بيساعد على الهضم لهيك بيحبوه اليابانيين, و انتشر بالخمسين سنة الأخيرة من اليابان لكل أنحاء العالم
7. سبعة: مشروبات الرياضة و الترطيب و أشهرها بوكاري اللي ممكن يكون سائل أو حتى جيللي, و هو مفضل عند الرياضيين و كبار السن والمرضى أو حتى الناس العاديين خاصة بفترات الشوب وبتكون غنية بالفيتامينات و المعادن
8. تمانية: أمازاكي: وهو شراب ياباني تقليدي و مصنوع من خلطة الرز المخمّر و الماء و(米麹 نودلز الرز\ كوجي الرز؟). طعمه حلو و مميز و يشربه اليابانيون في الشتاء و في الأعياد والمناسبات الشعبية مثل رأس السنة اليابانية و مهرجان اللعبة؟ هينا ماتسوري
9. تسعة: شاي الفقاعات اللي هو بالأصل مشروب تايواني بيشبه شاي الحليب بس بقلبه كرات التابيوكا أو "بوبا" ومنتشر بنكهة الشاي و الحليب وكمان متوفر بنكهة الأولونج أو الياسمين
10. الشاي الياباني الأخضر وهاد موضوع كبير شوي و يمكن بده فيديو تاني لنقدر نحكي عنه لأن في كتير أنواع و طرق تحضير مختلفة وتقاليد يابانية عمرها أكثر من 1000 سنة
لاتترددوا أن تتركوا لنا أي مقترحات و نصائح و شكراً على كل التعليقات الطيبة ومشاركتكم للفيديو إن أعجبكم
تابعونا دائماً على قناتنا على يوتيوب
/ @hunaalyaban
وعلى انستاغرام
/ huna.alyaban
وعلى فيسبوك
/ hunaalyaben
#هنا_اليابان #اليابان #يوريكا
Негізгі бет أشهر مشروبات يابانية حلال قد لا تجدها في مكان آخر | Most popular soft drinks in Japan
Пікірлер: 187