سؤال بيقول : ايه الفرق بين الكوكسيديا والكولستريديا الكوكسيديا والكلوسترديا بينشطوا في عدم وجود اكسجين كافي او تهوية كافية يعني اول شئ تهتم به التهوية لانها بكتريا لا هوائية يعني بتكره الهوا تاني شئ تهتم بيه هو تنظيف الارضية ونخليها جافة بقدر الامكان الاصابة بالكوكسيديا بتجيب بعدها كولستريديا والعكس صحيح
سؤال بيقول : الكتاكيت تاكل علف بادئ لحد امتى وايه موضوع اني انقل العلف تدريجي؟ تاكل بادئ لحد شهرين ونص او 3 شهور وتنقل لعلف التسمين تدريجيا مش مرة واحدة - تدريجيا مش مرة واحدة - يعني ايه تدريجيا يعني تقسم العلف مثلا على انك بتحط 5 كيلو علف للكتاكيت بتوعك في الوجبة الواحدة -- وانت بتاكل بادي وهتغير لعلف تسمين - هتحط الخمس كيلو بادي تشيل منهم نص كيلو وتحطه تسمين وتقلبهم على بعض - تاني يوم تشيل كيلو وتحطه تسمين - تالت يوم تشيل كيلو ونص وتحط بداله تسمين وهكذا لحد ما توصل انك غيرت لعلف التسمين.
سؤال بيقول : اخر عمر اقدر اربيه على السطح ؟ بنقول وبتزعلوا مننا انا رايي اخر حاجة وصعبة عليك كمان لو مبتدئ اربع شهور اربع شهور ونصف بالكتير - لكن لو شايف نفسك بطل ومش هامك كلامنا توكل على الله -- لو معاك حد خبرة ومجمد قلبك وقالك انا هنزل معاك والموضوع سهل ماشي -- لكن خد بالك من السطح كمان علشان الاوزان التقيلة مع السرعة في الجري والخبط في السور مش حاجة أمان واستهلاك الماية بالكميات دي على السطح ايضا له مخاطر. +++ سؤال بيقول : هل عمل دعامه لاصبع الكتكوت المعووج بيجيب نتيجة ؟؟؟ الاجابة على حسب اتعوج من امتى وفضل معووج اد ايه يعني باختصار الحاجات دي علاجها بيجيب نتيجة في حالة العلاج المبكر فقط والحمد لله ناس كتير متابعانا هنا في القناة وعلى الجروب الرسمي عملنا معاهم الدعامة دي كنا معاهم بالفيديو كول وجابت نتيجة الحمد لله صحيح النتائج متفاوتة ممكن يتعدل قوي وممكن يتعدل بسيط لكن اهو احسن من مفيش --- انت بتعمل اللي عليك علشان ما تقولش انا اللي قصرت او انا السبب
سؤال بيقول التواء الساق ليه علاج ؟ الاجابة للاسف لا -- ما تتعبش نفسك التفاف السابق بزاوية 90 درجة للخارج مالوش علاج دوائي حتي العلاج الجراحي نجاحه ماعداش ال 10 في الميه في التجارب اللي اتعملت عليه واحنا في بلدنا مفيش تدخلات جراحية في الامور دي -- ما تسمعش حد يقولك حقنة ولا رباط ولا فيتامينات معينة --- الحالة دي بتكون حالة ميؤوس منها.
سؤال بيقول تساقط ريش الكتكوت ايه سببه وايه علاجه؟ لازم في الحالة دي الاول نفرق ما بين تساقط الريش و نقر الريش تساقط الريش في الكتاكيت له اسباب اخرى من اهم الاسباب هو نقص عناصر مهمة في تغذيته مثل الكالسيوم واليود والفسفور والكبريت وكمان اسباب اخرى زي مستوي النظافة جودة التهوية عدم التعرض للشمس بالوقت الكافي
سؤال بيقول ليه بنحط مضاد سموم على العلف؟ الاجابة علشان مع التخزين الغير سليم لبعض الحبوب المستعمله بالعلف بيكون سموم فطرية ذات تاثير ضار جدا على النعام السموم الفطرية هي سموم طبيعية بتنتجها بعض أنواع العفن (الفطريات) على بعض المحاصيل والحبوب وبتزيد قوي مع ارتفاع الرطوبة ودرجات الحرارة. انا بشتري الحبوب اللي بعمل بيها العلف ربما تكون تحتوي على نسبة كبيرة من السموم الفطرية ولسة كمان هخزنها عندي شوية فكان لازم ولا بد من اضافة مضادات السموم الفطرية لتجنب الاصابة.
سؤال بيقول هل يوجد مستقبل لصناعة النعام وما هي فرص نجاح المشروع نرجو شرح كيفية التسويق؟ طيب ما هي فرص نجاح المشروع نجاح المشروع او فشله ده حضرتك انت انسان منظم مرتب بتجدول حياتك بتزود معلومات بتطور من نفسك - باختصار شديد انت اللي تنجح اي مشروع وانت اللي تفشله مفيش مشروع اسمه مشروع فاشل مستقبل النعام مستقل واعد وانصحك تتفرج على ال 3 حلقات الخاصة بالتسويق التسويق الجزء الاول والتسويق الجزء التاني وحلقة مهمة فيها الرد على كل تساؤلاتك باسم خلاصة الكلام في تسويق النعام.
سؤال بيقول : هو رش المايه على النعام في الحر غلط ولا صح ؟ الاجابة احنا بنعمل شوية رذاذ مايه خفيف في الجو اللي بيه يبرد جسم النعامة شوية بديلا عن العرق لاننا عارفين ان الطيور مش بتعرق فا رذاذ خفيف باعتدال ونرش علي الارض والحيطان ونحاول نبرد الجو المحيط شوية. اغراق اي كائن حي بمياه كتير اثناء ارتقاع حرارته مش حاجه صحية علشان الناس اللي بتفتح خرطوم على النعام وتغرقه وتلاقيه فرحان بكده اه النعام هيفرح بكده بس هي مش حاجه كويسه قوي يعني الاعتدال في الامور حلو - احنا بناكد على انه يكون رذاذ خفيف كفايه قوي
سؤال بيقول : ايه اسباب انزلاق الوتر؟ انزلاق الوتر اما ان ياتي بسبب جين وراثي محمول من الاسرة اللي بينتمي ليها - او سوء تغذية الام على اعلاف غير متوازنة - او سوء تغذية الكتكوت عند استقباله باعلاف بها نقص في عناصر المنجنيز والكولين وفيتامين B COMBLEX وعدم توازن نسبة الكالسيوم والفوسفور.
سؤال بيقول : كان عندي كتكوت بلع قطع سيراميك كبيرة وقعد فترة واعطيته مضاد حيوي ومات - هل كان ليه علاج وانا معملتوش ؟؟ للاسف لأ - في الحالة دي مالوش علاج والنفوق حتماً لا محالة --- احنا دايماً بناكد على نظافة الارض - نظافة الارض مش ترفيه او شياكة يا جماعة نظافة الارض ممكن تفشل المشروع او تنجحه - لو حضرتك صاحب مزرعة ومعاك عامل لازم تشرف على نظافة الارض بنفسك.
سؤال بيقول : الاسرة عندي مش بتبيض عدد البيض اللي كلكم بتقولو عليه - ايه المشكلة عندي في التغذية ولا المكان الاناث 3 سنين والذكر 4 سنين ؟؟ اولا لازم تعرف ان الاعمار اللي بتشتري بيها مش بتكون بالظبط يعني بتكون اعمال تقريبيه يعني الاناث 3 سنين لو كانت بالفعل 3 سنين فهي طبيعي جدا لسة ما توصلش الي عدد البيض اللي انت سمعته عنه لان ال 40 بيضه وال 50 والاكتر من كده ده يكون باذن الله عند عمر الخمس سنوات تقريبا يمكن اقل لكن مش دلوقتي - لسه الاسرة عندك ممكن نسميها بشاير. عندنا اسئلة تانية كتير من متابعين القناة والجروب الرسمي هنعملكم بيها حلقات تانية تباعا باذن الله
Негізгі бет أسئلة عن مشروع تربية النعام الجزء الأول
No video
Пікірлер: 55