اجمل اغاني الطنبور الحزينة مع الفنان عبدالقيوم الشريف
ﺳﺎﻣﺤﻨﻲ ﻭﺍﺻﻔﺢ ﻳﺎﺣﺒﻴﺐ ﺳﺎﻗﻮﻧﻲ ﻣﻨﻚ ﺑﺎﻟﻐﺼﺐ
ﻧﺪﻣﺎﻧﻪ ﻟﻴﻪ ﺳﺒﺘﻚ ﺑﺮﺍﻙ ﺗﺘﺒﺎﻛﻰ ﻓﻲ ﻧﺺ ﺍﻟﺪﺭﺏ
ﻃﻤﻨﻲ ﺣﺎﻟﻚ ﺍﻧﺖ ﻛﻴﻒ ﻭﺍﻟﺒﻲ ﻳﻬﻮﻥ ﻣﻬﻤﺎ ﻣﺎﺻﻌﺐ
ﺍﻧﺎ ﺍﺻﻠﻲ ﺯﻭﻝ ﺍﺣﺴﺎﺳﻮ ﻣﺎﺕ ﻣﻦ ﺑﺪﺭﻱ ﻣﻌﺘﺎﺩﻱ
ﺍﻟﻀﺮﺏ
ﻛﻢ ﻣﺮﺓ ﺷﺎﻧﻚ ﻳﺎﻣﻨﺎﻱ ﻣﻦ ﺣﻨﻀﻞ ﺍﻷﻵﻡ ﺷِﺮﺏ
ﻣﻦ ﺧﺸﻤﻲ ﺗﺘﻘﺎﻃﺮ ﺩﻣﺎﻱ ﻟﻮ ﻳﻨﻄﻖ ﺍﺳﻤﻚ ﺑﺎﻟﻜﻀﺐ
ﻧﻔﻮﻧﻲ ﻣﻦ ﻧﺺ ﺍﻟﺪﻳﺎﺭ ﻳﻮﻡ ﻋﺮﻓﻮﺍ ﺍﻧﻲ ﺃﻧﺎ ﻟﻴﻚ ﺑﺤﺐ
ﻟﻜﻨﻮ ﻛﻞ ﻣﺎﺯﺍﺩ ﺑﻌﺎﺩﻱ .. ﻟﻘﻴﺘﻮ ﺷﺨﺼﻚ ﻟﻲ ﻗِﺮﺏ
ﺳﺠﻨﻮﻧﻲ ﺑﻴﻦ ﺍﺭﺑﻊ ﺣﻴﻂ ﺯﺭﺑﻮﻧﻲ ﻣﻦ ﺟﻴﻬﺘﻚ ﺯﺭﺏ
ﻟﻜﻨﻲ ﺷﺎﻳﻔﺎﻙ ﻛﻞ ﻳﻮﻡ .. ﻫﻞ ﻃﻴﻒ ﺧﻴﺎﻟﻚ ﻳﺤﺘﺠﺐ ؟
ﻃﺎﻟﻮﻧﻲ ﺑﺎﻟﻴﺪ ﻭﺍﻟﻠﺴﺎﻥ ﻣﺎﻓﻴﺎ ﺷﻴﺘﺎً ﻣﺎ ﺳِﻠِﺐ
ﻏﻴﺮ ﺣﺒﻚ ﺍﻟﻤﺎ ﻗﺪﺭﻭﺍ ﻳﻮﻡ ﻳﺼﻠﻮﻫﻮ .. ﻣﺎﺳﺎﻛﻦ ﺍﻟﻘﻠﺐ
ﻭﺍﻏﺮﺏ ﺷﻰﺀ ﺍﻧﻲ ﺍﻧﺎ ﺑﻲ ﻭﺭﺍﻙ ﺑﺘﺬﻝّ ﻭﺍﺗﻬﺎﻥ ﻭﺍﻧﻀﺮﺏ
ﻟﻜﻨﻲ ﻓﻲ ﻟﺤﻈﺔ ﻟﻘﺎﻙ ﺑﻨﺴﺎﻫﻮ ﺯﻱ ﺍﻟﻜﺎﻥ ﻟﻌﺐ
ﻭﺭﻳﺘﻢ ﺍﻧﻲ ﺍﻧﺎ ﻟﻲ ﺣﺒﻴﺐ ﻟﻮ ﺧﻨﺘﻮ ﺑﺸﻌﺮ ﺑﺎﻟﺬﻧﺐ
ﺳﺎﻗﻴﻨﻲ ﺭﺍﻭﻳﻨﻲ ﺍﻟﻤﺤﺒﺔ ﻭﻣﻦ ﺣﻨﺎﻧﻮ ﻛﻤﺎﻥ ﺷﺮﺏ
ﻳﺎﺧﻮﻳﺎ ﺯﻱ ﺭﻳﺪﻙ ﻭﻻﺩﻙ .. ﺑﺮﺿﻲ ﻟﻠﻤﺮﻳﻮﺩ ﺑﺤﺐ
ﻭﺍﻟﻠﻪ ﻟﻮ ﺣﺎﺱ ﺑﺎﻟﻌﻠﻲ ﻣﺎﺑﺘﺮﺿﻰ ﺑﻴﺘﻲ ﺍﻧﺎ ﻳﺘﺨﺮﺏ
ﺯﻱ ﻣﺎﺑﺘﺪﻭﺭﻟﻬﻢ ﺍﻟﺴﻤﺢ .. ﻟﻲ ﺑﺮﺿﻮ ﺧﻴﺮ ﺍﻟﺪﻧﻴﺎ ﺣﺐ
ﻟﻜﻨﻲ ﺍﻟﻘﻰ ﺍﻟﺪﺍﻳﺮﺍ ﻭﻳﻦ ؟ ﻣﻦ ﻧﺎﺱ ﻣﻌﻴﻦ ﺧﻴﺮﻫﻢ
ﻧﻀﺐ
ﺑﺎﻟﺸﻮﺭﺓ ﺯﻱ ﺑﻴﻌﺔ ﺍﻟﻤﻠﺢ ﺑﺎﻋﻮﻧﻲ ﻓﻲ ﺍﻟﺴﻮﻕ ﺑﺎﻟﺠﻠﺐ
ﻭﻣﺎﺭﺍﻋﻮ ﻟﻲ ﺍﻣﻲ ﺍﻟﺪﻭﺍﻡ ﺗﺘﺒﺎﻛﻰ ﺷﺎﻧﻲ ﻭﺗﺤﺘﺠﺐ
ﺑﺎﺭﻳﺖ ﻟﻲ ﺯﻭﻝ ﺑﺎﻟﺠﺘﺔ ﺑﺲ .. ﺑﺎﺭﻧﻚ ﺍﻟﺮﻭﺡ ﻭﺍﻟﻘﻠﺐ
ﺍﻧﺎ ﻗﻠﺒﻲ ﻟﻮ ﻓﺎﺭﻕ ﺿﺮﺍﻙ ﻣﺎ ﺍﻇﻨﻮ ﻣﻦ ﺑﻌﺪﻙ ﻛﺴﺐ
ﻣﺘﺤﻤﻠﻲ ﺍﻻﻵﻡ ﺑﺮﺍﻱ ﺷﺎﻳﻠﻲ ﺍﻟﻬﻤﻮﻡ ﻣﺎ ﺑﺘﺘﺤﺴﺐ
ﻭﻣﺎﻟﻘﻴﺖ ﻟﻲ ﺯﻭﻝ ﺣﺲّ ﺍﻟﻌﻠﻲ ﻗﺎﺳﻤﻨﻲ ﻫﻤﻲ ﻣﻌﺎﻱ
ﺗﻌﺐ
ﻋﺮﻓﺖ ﺻﺢ ﺍﻟﻢ ﺍﻟﻀﺮﺏ ﻣﺎ ﺑﺤﺴﻮ ﺯﻭﻝ ﻏﻴﺮ ﺍﻟﻀِﺮﺏ
ﺍﻟﻐﺮﺑﺔ ﻛﻴﻒ ﻭﻋﺬﺍﺑﺎ ﻣﺎ ﺑﻴﻄﺮﺍﻫﻮ ﺍﻻ ﺍﻟﻤﻐﺘﺮﺏ
ﻓﻮﺿﺖ ﻟﻲ ﺍﻟﻠﻪ ﺍﻻﻣﺮ ﻭﻛﺘﻴﻦ ﻣﻦ ﺍﻟﺘﺤﻨﻴﺲ ﻏِﻠﺐ
ﻣﻈﻠﻮﻣﺔ ﻭﺍﻟﻤﻈﻠﻮﻡ ﺩﻋﻮﺗﻮ ﻣﻦ ﺍﻻﻟﻪ ﻣﺎ ﺑﺘﺘﺤﺠﺐ
ﺑﻜﺘﺐ ﻟﻚ ﺍﺳﻊ ﻳﺎﻟﺤﺒﻴﺐ ﻣُﺼﺒﺮﺓ ﻭﻣﺎﺳﻜﻰ ﺍﻟﻘﻠﻢ
ﺑﻜﺘﺐ ﻟﻚ ﺍﺳﻊ ﻭﺍﻟﻘﻠﻴﺐ ﻣﺠﺮﻭﺡ ﻳﻌﺎﻧﻲ ﻣﻦ ﺍﻻﻟﻢ
ﻣﻜﺘﻮﺑﻲ ﻣﻦ ﺷﻬﺮ ﺍﻟﻌﺴﻞ , ﺷﻬﺮﺍﻟﻤﺮﺽ , ﻭﺷﻬﺮ
ﺍﻟﺴﺠﻢ
ﻣﻠﻔﻮﻓﺔ ﺑﻲ ﻛﻔﻦ ﺍﻟﺰﻓﺎﻑ , ﻭﺍﻟﺤﻨﺔ ﻓﻲ ﺍﻳﺪﻳﺎ ﺩﻡ
ﻣﺮﻗﺖ ﻣﻦ ﺳﺠﻦ ﺍﻟﻄﻐﺎﺓ ﻭﻗﻌﺖ ﻓﻲ ﺍﻟﺬﻝ ﻭﺍﻟﻮﻫﻢ
ﻗِﺒﻠﺖ ﺑﺎﻟﻮﺍﻗﻊ ﺍﻟﻤﺮﻳﺮ ﺁﻣﻨﺖ ﺑﻲ ﺍﻣﺮ ﺍﻟﻘﺴﻢ
ﻗﺒﻠﺖ ﺑﺎﻟﺪﺍﻳﺮﻧﻮ ﻟﻲ ﻛﻢ ﻗﺒﻠﻲ ﻣﻈﻠﻮﻡ ﺍﻧﻈﻠﻢ
ﻭﻳﺌﺴﺖ ﻣﻦ ﻋﻴﺸﺔ ﻋﺬﺍﺏ ﺭﺍﻣﺎﻧﻲ ﻓﻲ ﺯﻭﻝ ﻣﺎ ﺭﺣﻢ
ﺍﻧﺴﺎﻧﺔ ﺻﺮﺕ ﺑﻼ ﻃﻤﻮﺡ .. ﺑﻼ ﻣﺒﺎﺩﻯ .. ﺑﻼ ﻗﻴﻢ
ﻗﻨﻌﺖ ﻣﻦ ﺍﻟﺮﺣﻤﺔ ﺗﺐ , ﺑﺲ ﻓﻴﻚ ﻣﺎ ﺍﺗﻘﻄﻊ ﺍﻟﻌﺸﻢ
ﻭﻻ ﺯﻟﺖ ﻳﺎﻙ ﻣﺎﻟﻚ ﺍﻟﻘﻠﻴﺐ ﺭﻏﻢ ﺍﻧﻮ ﺍﻣﺮﻱ ﺍﻧﺎ ﺍﺗﺤﺴﻢ
ﻭﻻ ﺯﻟﺖ ﺑﻔﺨﺮ ﺑﻴﻚ ﻭﺍﻗﻮﻝ : ﺍﻧﺖ ﺍﻟﺤﺒﻴﺐ ﻓﻲ ﻛﻞ ﻣﻠﻢ
ﻭﻻ ﺯﻟﺖ ﺑﻲ ﺍﺳﻤﻚ ﺑﺼﻴﺢ .. ﻟﻮ ﺣﺘﻰ ﺳﺎﻛﺖ ﺍﺗﻬﺠﻢ
ﻭﺑﻘﻮﻻ ﻗﺪﺍﻡ ﺍﻱ ﺯﻭﻝ , ﻭﻣﺎﺧﺎﻳﻔﺔ . ﺍﺻﻠﻮ ﺍﻟﻤﻮﺕ ﻫﻮ
ﻛﻢ ؟
ﺍﺧﺮ ﺭﺳﺎﻟﺘﻲ ﺑﻄﻤﻨﻚ ﺍﺭﺟﻮﻙ ﻻ ﺗﺸﻴﻞ ﻟﻴﺎ ﻫﻢ
ﺧﻠﻴﻚ ﻓﻲ ﻋﻬﺪﻙ ﻣﻌﺎﻱ ﺍﺭﺟﺎﻧﻲ ﻻ ﺗﻔﻮﺕ ﺑﺎﻟﺴﺄﻡ
ﻭﺍﺣﻔﻈﻨﻲ ﻓﻲ ﺟﻮﺍﻙ ﻓﺮﺡ .. ﺑﻠﺴﻢ ﺗﺪﺍﻭﻳﺒﻮ ﺍﻻﻟﻢ
ﺯﻱ ﺣﻔﻈﻲ ﻟﻴﻚ ﺑﻴﻦ ﺍﻟﻀﻠﻮﻉ ﺍﻧﺖ ﻭﻗﻠﻴﺒﻲ ﺍﻧﺎ ﺟﻢ ﺟﻢ
ﺍﺧﻮﺍﻧﻲ ﺳﻴﺒُﻢ ﻳﻔﺮﺣﻮﺍ ﺍﻧﺎ ﺟﺮﺣﻲ ﻟﺴﻊ ﻣﺎﻟﺘﺌﻢ
ﻳﻤﻜﻦ ﺿﻤﻴﺮُﻡ ﻳﻮﻡ ﻳﺤﺲ ﻭﻳﻌﺮﻓﻮ ﺍﻧﻲ ﺍﻧﺎ ﺍﻧﻈﻠﻢ
ﻭﻳﻌﻮﺩﻭﺍ ﺷﺎﻥ ﻳﺒﻨﻮ ﺍﻟﻮﻗﻊ ﻛﻴﻔﻦ ﺑﻴﺒﻨﻮ ﺍﻻﻧﻬﺪﻡ ؟
ﺩﻳﻞ ﻧﺎﺱ ﻫﻮﺍﻳﺘُﻢ ﺍﻟﻈﻠﻢ ﺩﻳﻞ ﺧﻠﻮ ﻋﻴﺸﺘﻲ ﺑﻼ ﻃﻌﻢ
ﻭﻣﺎ ﺳﻮﻭ ﺑﻲ ﺣﻜﻢ ﺍﻟﻌﻘﻞ ﻣﺎ ﺑﻴﻨﺪﻡ ﺍﻟﻠﻴﻬﻮ ﺍﺣﺘﻜﻢ
ﺍﻟﻨﺎﺱ ﺑﺘﻨﻘﺎﺱ ﺑﺎﻟﻌﻘﻮﻝ ﻣﺎ ﺑﺎﻟﺠﻼﻟﻴﺐ ﻭﺍﻟﻌﻤﻢ
ﻭﺍﻧﺎ ﻣﺎﺳﻜﻲ ﻓﻲ ﺣﺒﻞ ﺍﻟﺼﺒﺮ ﻓﻲ ﺍﻟﻠﻪ ﺍﻣﻠﻲ ﺍﻧﺎ ﻣﺎ
ﺍﺗﻌﺪﻡ
Негізгі бет سامحني واصفح يا حبيب ساقوني منك بالغصب
Пікірлер