Атыраудың облыстық ауруханасында түсік тастаған 32 жастағы әйел жұмбақ жағдайда көз жұмды. Марқұмның туыстары қайғылы оқиғаға ақ халаттыларды кінәлап отыр. Марқұмның жақындары бұған дейін денсаулығында еш кінәрат болмаған келіншекке мамандардың отаны дұрыс жасамағанына сенімді. Оның үстіне өзін жайсыз сезініп, ауруханаға барған жүкті әйелімді дәрігерлер бір күннен кейін үйге қайтарып жіберді дейді жолдасы. Марқұмның жақындарының сөзінше, осыдан кейін Гүлфайруз Сабенованың жағдайы күрт нашарлап, қан құса бастаған. Ал, сәби анасының құрсағында деп ойлаған отбасы 17 апталық шақалақтың денесі он күннен бері мәйітханада жатқанын білмегендерін айтады.
Марқұмның туыстары Гүлфайруздың енді жоқ екеніне әлі сене алар емес. Айтуларынша, 10 шілде күні жүктілігінің 17 аптасында өзін жайсыз сезінген әйел облыстық ауруханаға жеткізіледі. Бірден дәрігерлердің бақылауына алынып, жүкті келіншекке жедел түрде ота жасалады. Бірақ небәрі 32 жастағы ананы ақ халаттылар аман алып қала алмаған. Ал Гүлфайруздың ет жақындары өз аяғымен сау барып, жұмбақ жағдайда қаза болған қызымыздың өліміне дәрігерлер кінәлі дейді.
АЙЖАН САБЕНОВА, Марқұм Гүлфайруз Сабенованың туысы:
- Ауруханның дәрігерлері салғырт қарағандары бізді қынжылтады, ота жасаған Арман Қыдырбаев сіңіліме салғырт қарап, бақылауға алмай, ауру күйінде бақылауға алмай үйге жіберіп қойды. Оның екі күннен кейін қансырап барғаны бәрі бізді қынжылтады. Денсаулық сақтау басқармасы "бас дәргерге қатаң заңды түрде жауапқа тартуын талап етеміз.
БОЛҒАН СӘРСЕНӘЛИЕВА, Марқұм Гүлфайруз Сабенованың туысы:
- Қателік не болса да өздерінен кетіп отыр. Өздерінше ананы-мынаны айтып отыр. қрығны диагноз қойып, өздерінше егер оған дейін ауырған адам болса екі бірдей баланы өз қалай босанар еді. Аман-есен босанды ғой. +дәрігерлердің кінәсі бәрі.
Марқұмның туыстары бұл іске кінәлілер анықталып, тиісті жазаларын алсын деп отыр. Ал, қайтыс болған келіншектің артында кәмелетке толмаған екі баласы қалды. Қазір бұл іске қатысты ҚК 317-бабы бойынша сотқа дейінгі тергеу басталды.
МЕЙІРІМ ЕРДӘУЛЕТ, Атырау облыстық Полиция департаментінің баспасөз хатшысы:
-1990 жылы туған аяғы ауыр әйел адамның қайтыс болу фактісіне қатысты ҚР Қылмыстық Кодекстің 317 бабы, яғни медицина немесе фармацетивка жұмыскерінің кәсіптік міндеттерін тиісінше орындамауына қатысты сотқа дейінгі тергеу басталды. Тиісті сараптамалар тағайындалды.
Жалпы өңірде ана мен бала өлімі жиілеген. Мәселен былтыр 50 шақалақ өлі туылса, 1 жасқа дейінгі шетінеген сәбилердің саны - 69-ға жеткен.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#ҚайғылыҚаза #перзентхана #түсік
Негізгі бет Сұмдық жайт! Атырауда түсік тастаған 32 жастағы әйел жұмбақ жағдайда көз жұмды
Пікірлер: 243