Әскерден мерзімінен бұрын үйіне оралған Ордабек Түймебаевтың әкесі "дені сау балам алты айда психиатриялық ауруханадан бір-ақ шықты" деп арнамыздан көмек сұрады. Айтуынша, отан алдындағы борышын өтеп жүрген жалғыз ұлын командирлері соққыға жығып, қысым көрсеткен. Сөйтіп, үш апта бұрын ұлын ештеңе түсіндірместен, «борышын өтеді, бәрі жақсы» деп әкеп тастапты. Қазір 21 жастағы жігіт Нұр-Сұлтандағы психиатриялық ауруханада ем алып жатыр екен.
Ордабек Алмахан Балықбаевтың жалғыз ұлы. Ол өткен жылы қараша айында әскерге шақырылып, Алматыдағы 7552 әскери бөліміне жіберілген. Айтуынша, денсаулығында ешқандай кінәрат болмаған. Арада алты айға жуық уақыт өткенде әскерилер баласын үйіне әкеп тастаған. Бірақ не үшін әскери қызметтен мерзімінен бұрын босатылғанын түсіндірмепті. Ал келесі Ордабектің мінез-құлқы өзгеріп шыға келген. Сөйтіп, бірде телефонын, бірде куәлігін жоғалтып, үйдегі дүниелерді өртей бастапты.
АЛМАХАН БАЛЫҚБАЕВ, Ордабек Түймебаевтің әкесі:
- Балам оқта-текте айтып қалады: Только дейді, ақша сұраумен болды дейді. Ақша болмаса, төртеу, бесеу болып тепкілейді мені дейді. Жанындағы Абылай Әріп дейтін менің ротныйым бар дейді. Сол жердегі контрактниктер дейді. Сержант нелер дейді.
Алмаханның айтуынша, күн өткен сайын жалғыз ұлының жағдайы ушыға бастаған. Бармаған дәрігері, апармаған ауруханасы қалмапты. Ақыры, баласын Нұр-Сұлтандағы психиатриялық ауруханаға жатқызуға мәжбүр болады. Қазір Ордабек он күннен бері сонда ем қабылдап жатыр екен.
ГҮЛСАРА ЕЛТОҚОВА, Ордабек Түймебаевтің анасы:
- Вопшм танымай қалдық қой. Оның мына жағдайға түсіп кеткен кезде ше. Өзін-өзі білмей қалып істеп жатыр ғой оны ше. Есі кірелі-шығалы болып. Бұрынғыдай емес қой баламыз да.
Ұлттық ұлан «Оңтүстік» өңірлік қолбасшылығының өкілдері сарбазға ешқандай қысым көрсетілген жоқ деді. Сөздерінше, Ордабек әскерде жүрген алты айда үнемі дәрігерлердің бақылауында болыпты. Өйткені, алғашқы аптада-ақ баланың біртүрлі ерсі қылықтарын байқаған. Сондықтан арнайы мамандардың көмегіне жүгініпті.
НИЯЗТАЙ ӘЛКЕШЕВ, ҚР ҰҰ "Оңтүстік" ӨңҚ қолбасшысының орынбасары:
- Ұрып-соғу деген болған жоқ. Егер қазір де ондай бір нететін болса, ұрды-соқты дейтін болса, біздің құқық қорғау органдары бар. Оларға сол несімен айтып, бәрін тексеріледі. Енді ешқандай да, егер кінәлі адамдар болса жауапкершілікке тартылады.
Шенді қатардағы жауынгердің денсаулығында кінәрат барын және қандай кінарат екенін ата-анасы да әу баста-ақ білген деді. Әрі ылғи байланысып, жағдайын сұрап отырыпты. Сол үшін мамырдың үші алты айға жетер-жетпес борышын өтеген Ордабекке мерзімінен бұрын әскери билеті тапсырылып, үйіне қайтарылған екен.
Нұрболат Жаңабекұлы, Влад Шишко
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#ҚарулыКүштер #әскер #әлімжеттік
Негізгі бет Сұмдық! Әскерге сау кеткен сарбаз психиатриялық аурухадан бір-ақ шықты
Пікірлер: 386