#PaiteGospelSong
Song: Ka Goutan Jesu
Phuaktu: S.Pausianlian
Album: Ka goutan Jesu
Studio: Gospel Music Studio [GMS]
Cast: Thangzoulian Tangpua
Sponsored by: Upa Khupzaneng Samte & Family
Facebook: / spau.sianlian
Nisim August 13, 2016 in Toupa'n hiai laa hong pia hi. Neih-le-lam a mite pha zoulou kisakna leh khangual pha zoulou kisakna in hong tuam a, khasia-muisia in Pathian kiang ah, "Toupa ken bangmah ka neihlouh pi, midangte toh tanbang kikim lou lua keive" chia khasetak a ka omlai in, Numbers 18:20 tungtawn in Toupa'n hong khamuan hi. Toupa'n Aaron kiangah,"Amaute gam ah goutan na neikei dia, amaute lak ah tan na neikei ding hi. Israelte lak a na goutan keimah ka hi ding hi". Hiai gamhawmna ah Pathian in Siampinam Levite a ding in goutan tuam pekei mahlehPathian neih khempeuh amaute a ahi. Tuamah bang in kei hiai leitung ah vakvai in leigou, kham-le-nguun bangmah neikei mahleng Jesu ka neihman in Gou hoihpen leh kisethei ngeilou nei ka hihdan a hong lang dundun a, kipahna mittui pak niuniau kawm in hiai laa ka hong gelhhi.
Ka goutan Jesu
Numbers 18:20 Phuahni:13th august, 2016
Tou Jesu ka goutan ahi,
Leigou thil tehpih theih ding omlou e,
A mual theilou a tul theilou gou hi,
Tangtawn daih ding goumanpha ahi.
Gou hoih pen ka nei hi,
A mang thei ngeilou gou hi;
Khovel in ka hauh lam hong theihpih lou zong,
Jesu sung thil bangkim ka neita.
Lei hauhsakna sum- le- paai leh,
Kham-le-nguun tangtawn daih ding omlou e;
Tomkaal sung paksil bang in vulpah lel,
Lei thil tangtawn ding him omlou e.
Ka nunna dahna’n hong tuam zel,
Lungngaihna buainate’n hong tuam zongleh;
Ka tangtawn gou ding lung ka geel chiang in,
Dah a vui thei mai ka hi lou e.
Lei ah khiaklah ding ka neilou,
Tangtawn gamnuam zuan khualzin lel ka hi;
Nuai simlei ah liang in hambang vai zong leng,
Ka ma chiang ah nopna in hong ngak.
.............................................................................................
Entu leh ngaikhetu tengteng Toupa'n salam-khalam ah hon vualzawl hen aw!
Негізгі бет S.PAUSIANLIAN- KA GOUTAN JESU (Official Video)
Пікірлер: 79