الله الله ؟ ياذات الجدايل ،
لوكان حالك موش حال عسير ،
الله لو عون الزمان امقابل ،
ولو ماجيت متأخر كثير ،
انجيكم كما حصاد ،
في عام صابه والربيع كبير ،
ملهوف لطياب السنابل ،
واتجيني كما جيت قطا للبير ،
عطشان ضامي للجناوح سابل ،
ياذات الجدايل ،
من يوم مالاقيتك ، من خاطري حبيتك ،
ونذكر اني ناديتك ، وقلتلك
يام عيون اسماح ، واطي عيونك عني ،
هذوبك تقول ارماح ، شالن معاي خذني ،
عيونك كما الارياح ،
ان عاندتهن مجروح ،
عيونك كما الارياح ،
ان طاوعتهن شالنني ،
ويادوب ماغاليتك ،
جاك النصيب وصار هللي صار
ياذات الجدايل ،
يوم رحلتي ، جيت لقيت ناسك ملتمين ،
جو من بعيد فارحين بفرحك ،
وانتي حزينه مارفعتي راسك ،
وانا اللي كيفك حزين بجرحك ،
حاولت ، حاولت نملي من عيونك عيني ،
دارو عليك زحام ماريتيني ، ،
مشيتي .. مشيت الطريق معاك لكن رجعلي عقلي
انا قلت : ماشي وين ؟؟ انا ماشي وين ؟؟
لوكان فيك نصيب راهو غلاك اقسملي ،
تراجعت شايل اجروحي ،
وماعندي عليك دلايل ،
يااااااذات الجدايل ،
Негізгі бет اشرف محفوظ ياذات الجدايل ... Faycel 69
Пікірлер: 213