سەید کامیلی ئیمامی (ئاوات)
خوێندنەوەی: محمد فائق
(شاری دڵ)
من دەڵێم شاری دڵم باغ و گوڵستانە، کەچی
عەقڵ ئەڵێ نا، قەسەبەی شۆڕشی مەستانە، نەچی
من دەڵێم نوختەیی ئەو ڕەوزەیی ڕیزوانە، دەچم
ئەو دەڵێ نا، ڕەشە، جێڕاوگەیی شەیتانە، نەچی
من دەڵێم مەسکەن و ئارامگەیی جانانە، دەچم
ئەو دەڵێ سەربەسەری تێک چووە، وێرانە، نەچی
من دەڵێم جێگەیی هەر شێت و جنوونانە، دەچم
ئەو دەڵێ نا، زەدەیی پەنجەیی پەرییانە، نەچی
من دەڵێم مەرکەزی ئەسراری حەریفانە، دەچم
ئەو دەڵێ جێ تەمەعی چاوی حەسوودانە، نەچی
من دەڵێم وەختی خەتەر مەئمەن و قەڵغانە، دەچم
ئەو دەڵێ کونکونە، جێگەی سەرەپەیکانە، نەچی
لەو هەموو چوون و نەچوونە سەری سووڕ ما «کامیل»
من دەڵێم جوانە بچم، ئەو دەڵێ وا جوانە، نەچی
٭٭٭٭٭٭
(خەمێکی دی)
وەکوو بیستم خەمت خواردم، ئەویش بۆ من خەمێکی دی
دڵت بۆ ماتەمم سووتا، ئەویشم ماتەمێکی دی
دەمێ نەمدی لە دنیا هاودەمێ، غەیری خەم و دەردم
لە کوێ پەیدا بکەم یاڕەببی! ئاخر هەمدەمێکی دی؟
بە داخ و دەردی تۆوە شەرتە ئەی باڵابەرز! بمرم
دەبێ ئەو حەسرەتەی خۆم من بەرم بۆ عالەمێکی دی
بە زولفی خەمبەخەم دونیات وەکوو چێوی خمێ لێ کرد
کەچی بۆ گەردنی ئەمنت درێغ فەرموو خەمێکی دی
«ئیمامی»ت کوشت بە تیری غەمزە گەرچی چاوتە چارەی
تەماشای گەر بفەرمووی نایەوێ قەت مەڵحەمێکی دی
تێبینی: بەپێی لێکۆڵینەوەکەی ئەنوەر سوڵتانی، شیعری [خەمێکی دی] هی سەید کامیل نییە بەڵکو وەرگێڕدراوی شیعرێکی ئەبولقاسمی لاهووتیە.
Негізгі бет شاری دڵ سەید کامیلی ئیمامی (ئاوات)
No video
Пікірлер: 4