أشتري باب جاهز ولا أعمله عمولة ..؟؟
ويعني إيه أصلا باب PVC
في الفيديوهات الخمسة اللى فاته فهمتك يعني إيه خشب طبيعي
ويعني إيه خشب صناعي .. وفهم فكرة تصنيعهم .. وطريقة إستخدامهم
وعشان تعرف تشتري باب خشب طبيعي متصنع يدوي .. ولا جاهز من المعرض تعالى انا أقولك
خلينا متفقين ان الباب الجاهز هو العمولة والعمولة هو الجاهز بمعني
ان الباب الجاهز نجار أو مصنع عمله عادي جدا ..
والعمولة نفس الفكرة
الفرق الوحيد .. إن الباب الجاهز .. إنت بتنزل تشتريه على بعضه كدة
بإكسواراته بمفصلاته بكالونه بسلاطاته ببابا غنوجه بكل حاجه
يدوبك هتجيبه الشقة وتركبه
بس المشكلة ان مقاساته ستنادر ..
لازم تكون عارفها عشان خاطر تبقى عامل حسابك وانت بتأمم فتحات الأبوباب بتاعتك أو وإنت بتبني
كمان الفنش بتاعه بييجي من أخشاب مصنعه ملزوق عليها قشرة PVC أو HPL
وواخدة فنش نهائي .. ولا دهان ولا دوكو ولا يحزنون
فعامل الوقت هنا سريع جدا .. وفى ثانيه تقدر تنقي وتختار وتشتري وتركب وتعمل كل اللى نفسك فيه
أما الأبواب العمولة .. إنت بتنزل تتفق مع نجار الأول
وتشوف نع الخشب اللى هتشتغل بيه .. وتتفقه على شكل العوارض و السقاسات اللى جوه حشوة الباب
هتتفق على الفنش النهائي وشكل الباب .. دهان أستر ولا عادي
هتلزق قشؤة PVC ولا HPL
هتروح بقى تنقي الأكسسوارات بتاعتك والمفصلات والأوكر وكل حاجه حرفيه
فهتاخد وقت طوييييل على بال م توصل اللى إنت عايزة
بس هتاخد جودة محترمة
الفيديو اللى جاي هفهمك يعني ايه PVC
ويعني إيه HPL
وهقولك على أفضل باب ممكن تشتريه وإزاي تصنعه عمولة ويطلع شكله زي زي الجاهز بكواليتي عاليه جدا
انا محمود مختار وده كان فيديو انهاردة
#الأبواب_الخشبية #خشب #زان #عزيزي #ماهوجني #أرو #موسكي #Mahmoud_Mokhtar #محمود_مختار #الأخشاب_المصنعة #الأخشاب_الطبيعية #MDF #HDF #HPL #PVC
Негізгі бет أشتري باب جاهز ولا أعمله عمولة ..؟؟
Пікірлер