🌈 Зуны тэргүүн сарын шинийн 1-ний энэ сайхан өдөр "СЭВЛЭГ ҮРГЭЭХ ЕРӨӨЛИЙН ДУУ" шинэхэн уран бүтээлээ та бүхэндээ дэлгэн барья 🤗
...Сайн өдрийн үүдийг нээн унаган сэвлэгийг нь үргээж мялаая аа
Сайхан үгийн дээдийг ерөөн удаан жаргалыг даллаж мялаая аа...
"Сэвлэг үргээх ерөөлийн дуу"
Үг: Б.Болорцэрэн СТА
Ая: Д.Цэвээнравдан УГЗ
Үртэй хүний жаргалыг түшин хөлд орсон шүү
Өөдрөг явахын заяаг дуудан хэлд орсон шүү
Ээж аавдаа түшиг болон ачийг санаарай том болоод
Эрдэм номдоо эгнэгт шамдан бэрхийг сураад ухаантай өсөөрэй
Сайн өдрийн үүдийг нээн унаган сэвлэгийг нь үргээж мялаая аа
Сайхан үгийн дээдийг ерөөн удаан жаргалыг даллаж мялаая аа
Элэг бүтэн хайрыг өмчлөн эрхэлж ирсэн шүү
Эв халуун бүлийг нэмэн элгэмсэж төрсөн шүү
Дуудах нэрэндээ эзэн хичээн дуурсгаж яваарай том болоод
Хүн зондоо хэрэг бүтээн хүндлэл хүлээн ухаантай өсөөрэй
Өндөр тэнгэрийн хишгийг даллан Монголд төрсөн шүү
Өвөг дээдсийн буяныг даахаар малын захтай шүү
Эх орондоо тусыг бүтээн нэмэр болоорой том болоод
Энэ насандаа тэгш дүүрэн бялхаж яваарай жаргалтай амьдраарай
Негізгі бет Музыка Сэвлэг үргээх ерөөлийн дуу Э.Чулуунчимэг Sevleg urgeeh eruuliin duu Chuluunchimeg
Пікірлер: 35