حقوق الطبع محفوظه لدى قروب الفان
كلمات القصيده :
١- ياصالح البراق خلنا مناشيه
غر المزون اللي قويٍ(ن) رعدها
٢- يابوك هاض الفكر وأبدع قوافيه
وهجسي مداهيل الجزايل رصدها
٣- حل القنص والصيد كلٍ(ن) يطريه
الجو زان وسجتي ذا وعدها
٤- وجتنا علوم الوسم تذكر خباريه
البارحه سيولٍ(ن) مشت في زبدها
٥- من طارف الصمان لقصىٰ المتاييه
وفيحان مع لوقه ولينه هجدها
٦- وخثال شعبانه تسيل وسواقيه
من مزنةٍ (ن) هلت ثقيلٍ(ن) بردها
٧- يامحلا المقناص ومزين مساريه
مع خوةٍ(ن) راع الوفا ماجحدها
٨- الكل منهم ماتغير مباديه
طيب ومراجل والشريعه عمدها
٩- نبعد عن نفوسٍ(ن) تسوق المشاريه
سود الكبود اللي تزايد حسدها
١٠- ونجيلنا روضٍ(ن) به العشب كاسيه
قفريةٍ(ن) راع الدبش ماوردها
١١- أعصير والممسا وهذي حراويه
والنار تشعم والقضى في كمدها
١٢- البن يحمس والمقهوي يباريه
ودلال صفت ماشكت من جهدها
١٣- فنجالٍ (ن) أشقر راعي الكيف هاويه
أمبهرٍ(ن) بالهيل مامن بعدها
١٤- قمره وكلٍ(ن) طاري الهم طاويه
نفسٍ (ن) مع السجات تلقىٰ رغدها
١٥- وقلط سمينٍ(ن) فوقه السمن غاشيه!
الجمعه اللي خاسرٍ(ن) ماشهدها
١٦- وليا غبشنا رازق العبد نرجيه
نبي نشوف أطيورنا في هددها
١٧- الروض رويانٍ(ن) يغيب حباريه
وماهي بلحية جرةٍ(ن) نعتمدها
١٨- أمفرعٍ(ن) عساف والسبق مرخيه
وعين النداوي محريه في سعدها
١٩- ولاتل سبقه قاطع الطلع معطيه
ولزمت في طلعه وطارت وحدها
٢٠- ترقى ويرقا وينهضنه مواسيه
يلحق ظفر وليا وصلها لهدها
٢١- يردها بالجو والغيض حاديه
وليا لفحت ضف الجناح وطردها
٢٢- وحول بها والريش بالجو عاثيه
مشاهدٍ(ن) يطرب لها من وجدها
٢٣- هذي طراة العمر والطير نغليه
يوم الصقاره شف منهو نشدها
٢٤- يقوله اللي مايفتش مخابيه
ولاحسب الأموال وشهي عددها
{#صقاقير#}{#الكويت#}{#السعوديه#}{#البحرين#}{#الامارات#}{#قطر#}{#طرح#}{#كزاخستان#}{#طيور_كزاخستان#}{#وحش#}{#خلوي#}{#حرار#}{#جير_شاهين#}{#بيور#}{#مقناص#}{#مقانص#}{#مكشات#}{#طيور#}{#صقور#}{#حباري#}{#هدد#}{#الربطه#}{#جير#}{#صقار#}{#المقناص#}{#طرح#}{#سيبيري#}{#شياهين#}{#كراوين#}
Негізгі бет شيلة غر المزون || كلمات نايف التنيب || اداء يوسف العنزي
Пікірлер: 20