عسى البارق اللي بالسماء غادين له ضوح
على هجرة الشيّط .. تهامل مقاديمه
يجيها اشهبن من قو صبه غدى له شوح
يملي الفياض .. وديمةٍ عقبها ديمه
اليا اوحيت صبه خاطري رايقن مشروح
على كثر ماها .. ما توقف مرازيمه
ويسقي القبور اللي عطاشن بظهر اللوح
تاخذ عام والماء .. بيناتن تقاسيمه
قبورٍ غلا اهلها بوسط الحشا والروح
عن العين غابوا مير باقي لهم قيمه
وعسى هجرة الشيّط فداها دول وصروح
وفداها عذولٍ ماعرف للغلا شيمه
ربينا بها والا انت يا عاذلي سلتوح
غلا الدار واهل الدار من فوق تقييمه
اليا جيتها ودي بها اسكن ما عنها اروح
لو اعيش فيها راضيٍ مسكني خيمه
تنحى بي المقسوم واللي كتب باللوح
وانا راضيٍ في حكمة الله وتعظيمه..
Негізгі бет شيلة هجرة الشيّط كلمات هيا الحبيتر واداء المنشد فايز الدوسري
Пікірлер: 19