ما يتعذر
أداء :
حسين ال لبيد
كلمات :
شاعر الهيجا
عيضه بن جوده
تصميم :
مسلم الجحدلي
الكلمات :
منسوعة الغارب البكر الطهوم الشناح
وسمي انفهق برقبتها من تحت خدها
تختال بين العشاير والتلاد اللقاح
درهامها يتضح كله غرور ودها
تقوي العزم ردة فعل كبح الجماح
آمالي المشمخره نذر ماردها
ضربت عنق التذمر ماضربت القِدّاح
نفسي عزيزه دفعها الحرص واكدها
نبوة مسيلمه تشبه نبوة سجاح
باطل وأساطير نتنه مهتري بدها
الصدق منجاه بين الناس مطلق سراح
ينال حظوه اجتباها الله وامدها
والنورزه ماتجي الابعد جهد وكفاح
تبغى ولد قوم واحمر عين اذا لدها
شرواك يالشيخ عبدالله جبل مايزاح
لو تستثير الرياح العاتيه جهدها
ياقبلة الطيب ياوجه الرضا والسماح
الهيبه المشرعبه تنعم بخلدها
هذا الكريم الي يقري واليالي شحاح
بيته مزار النشاما عشها غدها
منصا القريب الموالي مع بعيد المشاح
يكفيك وقت الزوم الكايده ندها
مايعتذر يوم عذر الغير مالي صلاح
دماثة الخلق يمه تشر بيدها
يامرحبا رحب صافي كنه الماء قراح
في منهلن ينهل الوراد من عدها
ترحيب يحمل تباشير الضياء والصباح
هبت نسايمه غِبطه جاوزت حدها
مبروك يامحمد الفرصه من اجلك تتاح
فرحه بفتره وجيزه تاصل ترندها
اخوك مقود عريب الساس كم جاء وراح
كساب ونعم يوشي النار من زندها
مع قدره استبسلت لمواجه اعداء النجاح
اعجاز يلطم على الافواه ويسدها
هوية الجحدلي راعي حِمى مايباح
أنافه وكبرياء قامت على أشدها
جحادله مستحيل لشخص تخفض جناح
يوم المغازي يبان الجد من جدها
تالله ماتنحني روس الرجال الفلاح
وصروحها الشم جور الوقت ماهدها
ماهم بحاجتك تعقب ياخلي المراح
لاعاد تطري علومن منته بقدها
يابارد الوجه شوم وخل عنك الصياح
صدقت حالك تجابه قوم و تضدها
عدوهم طول عمره ماشعر بارتياح
مرتاع يخشى عرب حوض الفناء وردها
شركة بوينغ الشهيره يوم تصنع سلاح
تسمع عن القوه الي قررت صدها
Негізгі бет شيلة هوية الجحدلي ll اداء حسين ال لبيد ll جديد 2019
Пікірлер: 55