شيلة ال ناشي || كلمات سرور الجحدلي أداء عذب الجحادل سيف الهدري
الكلمات :
مرحبا بالابن عم اللي اتصل بي تلفونه
فارس الفرسان ابو نايف يزيد الغيّ غيّا
ما يطيح البيت لي قامت على البيدا ركونه
ولا يليق المدح في وجه الرجل من دون شيّا
في فرح بركات ياحسان قول اللي تبونه
والله اللي ما تهيّا لك لابو فيصل تهيّا
لي صعب شيّن على بعض الرجال انا زبونه
من محلحلة العقود اللي لها عشرين ليّا
اتخيّل شيّ بالافكار ما تتخيلونه
و اسبح الغبّه من الفكره وعانقت الثريّا
ماقفي في صفّ ابن بركات لا تستغربونه
روسنا تقدح شرار و دمنا فيه الحميّا
مرحبا رحب السحاب اللي مخرّج من مزونه
لي خرج مع جيّره غيّم على الديره وفيّا
واغتشى شبك الحرس واللي يبوه تديّرونه
عوض الديره وعاض المال وامسى النبت حيّا
القصر مفتوح بابه والمباخر في ركونه
كل حسناني فـ حفلة شبلنا رحب وحيّا
مرحبا في حفلنا رحب الوفا باللي يجونه
ماله الا الطيب والترحيب ممنوع الخطيّا
الدلال مْنحره والتمر مليانه صحونه
و العشا جوف القدور مجهزينه من عشيّا
الف لك مبروك يابركات من نفسً حنونه
يا بناخي العزوه اللي فعلها ماهو شويّا
يا بناخي بن مطيع اللي القبايل يعرفونه
بصمته حيّه مع العربان لو ماهو بـ حيّا
شيخنا اللي لا وقف للخصم حار الخصم دونه
وان نصاه الضيف ذبّاح الرباعه و الثنيّا
و إكتسبها بعده العاهل عوض لا تجهلونه
لازم المنصب ورا الشايب وزوّد في البنيّا
كل جدانك شيوخ و تثبت الفارس عيونه
ان بغيت الطيب طيب و لا بغيت الشر هيّا
والخوال جْبال بيشه للعدو فيها خشونه
و ان رقيت الضلع تلقى الضلع به مزبن وفيّا
وانتقيت المنسب اللي بصمته تحمى متونه
صالح ابن حامد اللي لا بغا له علم عَيّا
المنيفي راعي الماقف قويّاتً طعونه
ان مدحت اخوالي ال مْنيف ما قلنا خطيّا
وانت واخوانك حصون و فخر للي ينتمونه
و الشجاعه في الابو والعمّ لين أشتال شُونه
جدكم بركات فوق البير يوم يْواردونه
يحتمي الميقاف في الخرقه وفوق العبدليّا
وال ناشي كم عدو من فعلها تكسر قرونه
المواقف ثابته بالفعل والمنسب قويّا
#سرور_الجحدلي
---------------
#حماسية #شيلة جديد سرور الجحدلي سرور الحسناني شيلة عذب الجحادل سيف الهدري حماسيه الحسناني الجحدلي المنيفي الهدري شيلات الحسنان الجحادلة الجحدلي
Негізгі бет شيلة ال ناشي || كلمات : سرور الجحدلي أداء : عذب الجحادل
No video
Пікірлер: 1