يـ اسود الليل مالك في رقبتي طّلابه
مع مدار الفلك تدفع ضعون الطواري
أبدع الله صنعك حتى وقت الاجابه
لـ الدعاء فالحديث اللي رواه البُخاري
من تحرى مجيك لا تزيده كئابه
كيف يصفى الذهين وجبت له ألف طاري
شاعرٍ يـ ابو ساتر معك حب الكتابه
منهجه ما تأثر و احتذى بالنزاري
يوم عدت مع الرقعي شموخ و مهابه
أعلنوا في كويّت العز وضع الطواري
بشرو قصر دسمان بقصيدة عّتابه
قال ماهيب فيني فيّ شقير المطاري
معلمٍ من معالمنا نحسب حسابه
و في نباه العظيم و طيّب راسه نماري
ثامن المُستحيلات أنه يصك بابه
معجزة رابعة لمطير ماله مجاري
يجذب السمع ترحيبه و تلقى الرحابه
في مضيفٍ وفوده كثر وفدٍ وزاري
شيخٍ طروقه مخلاه يملا ثيابه
جعل ربي يجيره من صدوف الجواري
اصوكٍ لو خطوب الوقت تكثر ما يئابه
يخلق النور عزمه في بطون الغداري
طيّب الذكر ما تذهب حياته هبابه
تلقى ذكره مع العالم خويٍ مباري
والبخيل يّتصدد لا لقى مّن انتخابه
ما تفارق لسانه ما اقدر و شوف غاري
مير يلقى فرجها قبل لا يقول جابه
( بّوجاهة فرج وبـ ماجد الانتحاري )
ما ذخرهم شقير و سدهم بالنيابه
و اسمروا بالبلوت و صابحوا بالاتاري
نهجهم نهج أبوهم و الفعايل تشابه
ما تجيب الاسود الا السباع الضواري
شجرةٍ عامرة بجذورها من الصلابه
غصنها ما تعشعش به فروخ القماري
" عد ميموني يـ اخو رثعه و عد لابه
عد عشرة من الانصاف باهت و عاري "
جودهم من عدم للفقري ينسي ما صابه
من فقر و يتحدى البنك الاهلي التجاري
لايمي في مطير الله يعجل غيابه
لين قبره تخالط طينته بالعباري
كثر الاسهاب في تاريخهم يُحتفى به
تعرف أمجادهم لو ما حصرها السماري
يكفي عّيونهم لا حمرّت من المهابه
كن صايب عظم هيّابها طلق ناري
Негізгі бет شيلة المنشد فهد ابن جري : الخيره - كلمات : ريان صنت الزلامي
Пікірлер: 1