للتواصل وطلب التصميم والنشر : 0503241264
القصيد الجزل سيفٍ مانشده من نصابه
غير عند اللي مواقيفه على مذهب ومله
اشهد ان الطيب واهل الطيب دافع للكتابه
والكريم ندل مدحه مثل مابيته ندله
والحمر شيخ الشداد وفي الشدايد ينبدابه
فعل ابوه وفعل جدانه حكومه مستقله
شيخة الحمران وركون الجبل فيها تشابه
والجبل عن لاهب الكنه يظل القوم ظله
بسم غانم غانم العلم المجمل من شبابه
طيبٍ تنصاه دقلات القبايل لا محله
ارحبوا حياكم الله يالضيوف اكثر جوابه
كل حزه يضحك حجاجه وضيفه مايمله
يا ابراهيم ابن غانم مجلسك مفتوح بابه
والوجيه البيض تفرح بالصدور المسفله
كل قيفٍ مرحبابه كل ضيفٍ مرحبابه
في مقامك سوق طيب وسوق عود وسوق دله
راسك اطول من شدا غامد وكفينك سحابه
انت واخوانك سيوف وروس ونجومٍ مطله
انت مطلق واخو مطلق وانت ذيبٍ من ذيابه
وانت طيبك ياسليل اهل الظفر طبع وجبله
مجدك تغني به الدنيا ولك عزوه ولابه
آل حله وانشد التاريخ عن فعل آل حله
روس قومٍ من دول غامد لهم عز ومهابه
السيوف الصيرميه والصفوف المستهله
غامد الهيلا دهاة العصر واحفاد الصحابه
غامد السيف الحسام اللي يجمل من يسله
الخوي في سلمهم مثل الاخو واغلى القرابه
والخصم من فعلهم ماتبرد الايام غله
يردعون القوم يوم ان الجزيره شرع غابه
يعرفون العز لكن مايعرفون المذله
يا آل حله قدركم عندي رفيع ولا غرابه
يشهدون الطيبين وقبل ذلك يشهد الله
مجدكم تاهت عظيمات القصايد في رحابه
والبحور اللي تشلّ السفن ماتقدر تشله
ماتوفيكم بيوت الشعر وفنون الخطابه
لو خذيت افكار ابو الطيب وقلت الشعر كله
الشجاعه والبراعه والفصاحه والذرابه
والكرم عند ال حله والدخل عند ال حله
Негізгі бет شيلة الموسم || غامد الهيلا دهاة العصر واحفاد الصحابة || علي بن نايف & فهد بن فصلا 2019
Пікірлер: 922