للي سرى ليلة الجمعه وعلى وله
عز الله أن ليلة فراقه دروس وعبر
الله يسهل خطى رجله ويغفر خطاه
من يوم شفته وأنا داري ان عنده خبر
لو ما استباح العيون اللي بكت في رجاه
ما ضاق صدر الرياض وضاق صدر الخبر
خذ كل شي وعطاني خنجرٍ من جفاه
توغلت في ضلوعي قفلتين وشبر
هوايةٍ يستلذ بها وهو في صباه
والظاهر انها تبي تكبر معه لا كبر
لو يتمثنى حنينه ضفتين القناه
قامت تغني لها الأمواج يا أسمر عبر
وستارة القلب يادوب التفاتة مهاه
تقدّها من قدوم وتقدّها من دبر
أنا دخيلن على ربي وأنا في حجاه
من كسرة الخاطر اللي لا انكسر ما جبر
لو ما قرا إسمي بعلبة زعفرانه نساه
قسّته الأيام وأخلفه الزمان الغبر
لا تامن الوقت لاشفت الحفاه الرعاه
يشيّدون القصور ويلبسون الوبر
وان حاصرك زول ما انكر وضامك غلاه
ان ما ذكرت النعش ولاّ ذكرت القبر
تدري متى تنفض يديك وتعاف الحياه
لا اعطاك ربي معاناة وحرمك الصبر
شيلة ليلة فراقه مسرعة
لاتنسى اللايك والاشتراك والتعليق ياحلو😘😘
Негізгі бет شيلة: ليلة فراقه- تسريع مميز اداء: بندر بن عوير💔
Пікірлер: 31