.
.
شيلة مهداه الى :
الشيخ : حمدان بن محمد ال مكتوم ( فزاع )
كلمات :
محمد بن فطيس المري
اداء :
خالد المري ( العذب )
-
المدح باب من الشعر ما له اقفال
وفي ماجبه ما والله اذخر ذخيره
وفزاع منصئ المدح في كل الاحوال
وركايب الشعار صوبه مغيره
يضحك احجاجه لي.. ومداته اجزال
ومواقفه عندي كبار وكثيره
متنه خلقه الله لتخفيف الاثقال
واكبر الامور اتصير عنده صغيره
يستسهل اصعب شي ويخوض الاهوال
ويحط له بصمات في كل ديره
يبني جبال ويطحن بعزمه جبال
ومغامراته عند غيره خطيره
يجيه دايم ناس واحوالها احوال
وتعود أغنى الناس لو هي فقيره
ايزبّن الخايف .. ولا زبّن المال
المال يزبن به وهو ما يجيره
فخر الكرم .. وابوه فخرٍ للاجيال
انا اشهد انه كفو شارب وسيره
حمدان نادر جيل للطيب خيّال
جهده اسلاحٍ له وربي نصيره
للشعب والضيفان في بشته ظلال
وعينه عن المحتاج ما هي ضريره
يقصر يديه من الردا لو هي اطوال
ويمناه في المدات ما هي قصيره
يصبح مع هجنه ولا فيه مقيّال
والظهر في مثناتها في الحظيره
ونجم المنصه كل ما ظلّها مال
عوق الخناجر والسيوف الشطيره
لا حضرت وظلالها شرقها طال
والناس كنها تستعد لمسيره
شوطٍ يخف اشيوخ لو كانوا اثقال
شوط العصر عقب انكسار الظهيره
قامت تضف اذيول وتضم الاسبال
فيها من التحضير ريبه وغيره
ثرها نسيم الصبح لو يلمسه زال
والتيم عقب الشوط يبغي جبيره
والزاجل اللي يلقط الحب باجوال
من فرسته في القاع تنثر شعيره
تفاقعت فيها شمق ركض وجفال
هجنٍ خيار خيار من خير خيره
كنها ضبا شافت لها زول ختّال
عطس .. وهو قد هو متر من الاخيره
Негізгі бет شيلة مهداه الى : الشيخ حمدان بن محمد ال مكتوم ( فزاع ) | كلمات محمد بن فطيس المري | اداء خالد المري
Пікірлер: 67