#كحيلان_أفضل_الشيلات
للتواصل والمتابعة عبر المنصات الاجتماعية :
linktr.ee/kahi...
شيلة انا لي سنه والحال ما بين هاه وهاه | أداء شبل الدواسر | (حصرياً) 2019
كلمات : ناصر فدغوش الهاجري
انا لي سنه والحال مابين هاه وهاه
وفيني من هموم الزمن ما يكفيني
ليا من كل حط راسه علي مركاه
لذيذ الكرى والنوم ما ذاقته عيني
ياوين الطبيب اللي يعرف المرض ودواه
يحصل علاج لحالتي ذي يداويني
اذا أرخى علي الليل ستره و عم أجواه
تهدّد علي الضيقه اللي تقزيني
يضيق الفضاء لو كنت في خايعٍ محلاه
لو أغلى الأوادم كلبوهم حواليني
تداحم بصدري عبرةٍ تبلغ الأفواه
مثل ما تداحم فالشبوك الحشاويني
وجعها مُوسِّم وسط صدري كما العرقاه
مثل ما توسم بالوسوم البعاريني
اذا أونستها قمت أتعزّز يا بلفيتاه
عسى من كتبها لي عليها يقويني
وإلى من عجزت أكتم وجعها تنهدت اااه
جذبت الونين وحول الدمع من عيني
يا ليت البنادم راحته في طرف مخباه
متي ما بغاها جات في إيديه من حيني
ويا ليت الظروف اللي تحد الرجل لأقصاه
تخيّر ضحاياها من الناس الأقصيني
ويا ليت القريب اللي ما من قربه الا أذاه
تحول الديار الواسعه بينه و بيني
ويا ليت الغشيم اللي يتهبد علي عمياه
يفارق ولا يبلى الأوادم ويبليني
ويا ليت الكلام اللي ما يثمر ليا قلناه
يوقف ما بين الحنجره والشراييني
كثر ما لقيت من أغلب الناس ذاك و ذاه
بديت أستشك إن الأوادم شياطيني
تمرست فالدنيا وشفت وعرفت أشباه
وذقت الوزاء من بعضهم والأمريني
لو أبذل له المجهود وأسعى لكسب رضاه
يعيش ويموت بعلته ما يدانيني
ولاني بسوي شي لأحدٍ وأبي جزاه
أبي خالقي يغفر ذنوبي وينجيني
أجاهد هوى نفسي واذا شفت شي أرفاه
ولا أقفى الأوادم لا بزينٍ ولا شيني
قنوعٍ بما ربي قسمه وعطانياه
وصبورٍ علي زلات الأقصى والأدنيني
واذا صار عقل الادمي مثل عقل الشاه
تجنّابه افضل لا بدنيا ولا ديني
ويا عزي لحال اللي مثل حالتي عزااه
عسي اللي قسم لي ضيقتي ما يخليني
ويا ويلي علي صبرٍ يهوّن علي ويلاه
عسي من عطى غيري من الصبر يعطيني
صبرنا مثل صبر المهادي علي بلواه
ولا فادنا صبر المهادي من سنيني
ولا تنفع الشكوى لو اشكي لغير الله
هو اللي لو اشكي له همومي يشاكيني
عليه اشتكي حالي من اللي براه وجاه
من الضيقه اللي من زمانٍ تقزيني
Негізгі бет شيلة انا لي سنه والحال ما بين هاه وهاه | أداء شبل الدواسر | (حصرياً) 2019
Пікірлер: 69