على وقت استراق السمع طاح الاشهب المدبوح
غدت روس المجنه لـ النجوم الشهب منهله !
تغروش بـ امر ربٍ كاتب له منزله ٠٠ فـ اللوح
يفكه فك من صدر السما / ويطيح ( فالقله ) !!
وعفو الله تعالى ، يشمل الليْ في سفينة نوح
ومن خالف سفينة نوح حوّل - في عذاب الله ..
يارب الليْ نفخ فالصور بعد الليْ نفخ فالروح ..
مادام اكرمتني بالنفخ في - روح الشعر كله !
مناديب السحر حطت على سحر البيان وشوح
وانا لولا التواضع مانشدت الناس منهن له ..
'
فهقت عمامتي قدام اجر الميسم المطروح
انزل فوهة الفنجال وارفع (عروة الدله ..)
'
ليا مني ذكرت اللازم اللي ينفض المجروح ..
شعر راسي وقف ، وانا مغير اقرب من المله
اغني بيت ابن هذال وازعج صوتي المبحوح
بعد سلطان . / (وين اللي له العذرى تكحله) !
هذا سلطان ابن مقحم بن بشيّر بعيد الشوح
سليل اللي خذا يوم ٠ ٠( ابرقيه كل : منتله )
لو اسمه فالكتب مصلح يقولون العرب ممدوح
يجيه المدح فوق بساط ريح ومن تحت ضله !
تسلسل من بشايرةً يخلون النحر مفتوح
ليا ناشوه بالشلفا الغزيز وبـ اول السله ..
'
يعزلون ابيض الدفه ، وراعي وسمها مذبوح
على راسه قلايعهم تساق وتشلع الحله !
'
اهل مربط واهل ناقه ، واهل مدهال واهل صروح
جنب عمرات فوق / جعيثنياتٍ لها ادله ،)
وكل جعيثنيه في ظهرها فارسٍ طحطوح
وهي ماهيب حي الله وهو ماهوب حيالله
لاجاهم من عليه من الليالي والدهر ساموح
مايستفزع بغير الاد عاضي قوم لا والله !!!
'
على صوته يسلون السيوف ، ويكرهون البوح ..
ولايستفسرون وينشدون الا عن المله !!
'
الم يشرح لك الله صدرك ؟ اقلط والنحر مشروح
وحنا دون حقك لين حقك تاخذه كله !
من الهيلا عتابه لاشلع ٠٠ ستر الضلام ٠ الضوح !!
تشاف الشمس من خلف السحب والارض مبتله
'
صحيح الارض كوره بس لو ربّعتها مسموح ؟
وكم كيلو مربّع فوق .. وجه الارض نحتله ؟؟
منافسنا على مجد / الفعول منافسٍ مفضوح !
ليا قيل الولد ٠٠ منهم خواله ؟ من نشد قله !!
بناخينا على ظهر البراق ٠٠ مع البروق يروح !
شلع يم السما والا الثرا ( لهل الثرا خله ) !!
وهذي معجزه من فضل ربي دربها مبروح !
وفضل الله تعالى يوم خلانا عبيداً له .)
'
يانادر وانت شوق الجامح اللي سنها مقروح
حورنية كفل وملاعبية ريح ومغلّه .)
'
بنيات الهبايب مالهن ف اهل الردى مصلوح
ماشامن غير لك وانته عدو الخوف والذله !
'
منابتك الكريمه تلجم الكذاب والمشفوح !
وينشدها الكريم عن الكرم وتقوم وتدله ..
'
وكفك برقها فالارض يوم ان البروق تلوح
على كبد السماء ، واللي مثل شرواك تذعن له
تساوا فوق عرش المرجله لاصافح المصفوح !
تواضع ماتواضع شي . راجع له وحقاً له .)
Негізгі бет شيلة : سفينه نوح | كلمات مطرب دحيم | اداء العذب | حصريا 2019
Пікірлер: 27