إشترك في قناة سهم البقوم الرسمية ..
/ @-sahamalbgoom7082
.
.
Snapchat : / bogami.911
Twittwr : / saham_9ii
Instagram : 911_albogami
قناتنا على التلجرام /
t.me/bj8ij
سهم البقوم - (حصرياً) | ٢٠٢٢
Saham albgoom - (Exclusive) 2022
.
.
تنبيه: نسخ أو تحميل المحتوى وإنتهاك الحقوق يعرض حسابك وقناتك للإغلاق ..
.
كلمات : محمد راشد البقمي
اداء المنشد : جفران هضبان
تصميم : سهم البقوم
الابيات :
الهاجس المنتشي ماهوب حطاب ليل
لاجاته الفرصه اللي كان يسعالها
يصب صافي الذهب على بحور الخليل
ويغني الفكره اللي ماحدٍ قالها
عذوبة الشعر مثل عذوبة السلسبيل
تروي كبود العطاش وتحيي امالها
لكن بذل الجميله غير رد الجميل
لو نجزي الاوله عشره من امثالها
يابومهند ماهي لحية مايخدم بخيل
الشعر تزهى لك بيوته وتزهى لها
الفضل لاهل الفضايل طيبين الحصيل
والطيبه طاب فال الطيب وفالها
واللي توكل على ربه ونعم الوكيل
ثبت شداد العزيمه واطلق عقالها
ماهوب يحتاج لدروب المراجل دليل
هو الدليله اذا للخيل خيالها
نال الثقه من هل العوجا ووجه طويل
والله لو ان فيه نسبة ضعف مانالها
اشوف نجم الجدي واشوف نجمة سهيل
عن الفضا في متونه طاب منزالها
لاشالت الخبل ولا غررت بالحليل
اللي مثل فيصل وشرواه يشتالها
ماستغرب الطيب منه استغربه لو يميل
وابوه راعي المكارم واطيب رجالها
على خطاه اتجهه ماقال الايام حيل
بالضبط هذي الاسود وهذي اشبالها
السمعة الطيبه ماتنمحي بالمزيل
موروثٍ تحفظه الاجيال لاجيالها
الجزل دايم يجي قوله وفعله جزيل
جزالته معه تبراله ويبرالها
وان كبرت القاله وقامت تحط وتشيل
يضحك لها الضحكة اللي تبطل اهوالها
سباق للفزعه الحيه وفعله نبيل
ياعنك ماهوب قايل مالي ومالها
لو الجمايل تعين بين اهلها وكيل
ابومهند مجملها وجمالها
واذا لقولة نعم بين النشاما عميل
ماغير ابومهند موكل على اعمالها
والمدحه اللي مهرها في رقبة الخليل
قولولها تنحت اسمه فوق سلسالها
الراجحي يرجِح الكفه ووزنه ثقيل
اليا ارتكا للامور الكايده شالها
كل العرب فيهم اما خبل ولا بخيل
الا الرواجح ماشفت العيب بعيالها
شجاعة اصغر ولد فيهم تزبن دخيل
اظن بعده مايحتاج اوصف ابطالها
من ربعي اللي ماتعرف وشهو المستحيل
سمو البقوم العظيمه دوله لحالها
قبيلةٍ مجدها شامخ ولاله مثيل
فالارض من جالها الاقصى ليا جالها
Негізгі бет شيلة سمو البقوم العظيمة 🔥 | جفران بن هضبان | محمد بن راشد | من ربعي اللي ماتعرف وشهو المستحيل
Пікірлер: 3