كلمات نايف مطلق المهلكي
على الشفر 79 تصدير
مجددينه في زمان الحضاره
بديه تمرى فيه زين الغنادير
ومحركاته كن فيها نعاره
اليا مشى في طرقته كنه الزير
فمقدمة جيشه على كل غاره
وشكمانه الي لاوقف هدرة بعير
من قوته خطر انه يشب ناره
من وين ماودك تسيره بيسير
ماله على مغزاك فالدرب باره
بديت اشك انه مع الفزه يطير
لو ساقه الكبتن طراله مطاره
عند المدرج ينتظر خطة السير
والبرج يرسل وجهته بالاشاره
ماساق به غير الرجال المناعير
الي ماداجت به على كل حاره
مايطلع الا في طوال المشاوير
هذي هي حقوقه وهذا وقاره
سواقه الي ماترده معاذير
نياف بالنمره وبا الاستماره
يابوك لاقلنا السفر حزة عصير
انزل على ديراب وتقص قاره
وشغل لنا عيسى وعبدالله العير
للموهبه كلن مصدر قراره
وعد ضرما ومرات خلك على السير
وللربع في شقرا نحدد زياره
قدامك عسيله على المفرق تصير
وساجر وراها لاتغير مساره
وافرق مع الارطاوي ارطاوي مطير
تلقى مقر العود جدك وداره
Негізгі бет شيلة ،، سواقه الي ماترده معاذير نياف بالنمره وبا الاستماره ،اداء هزاع المهلكي كلمات نايف مطلق 2019
Пікірлер: 2