يامعدّي قصيده جديده للشاعر / محمد بن الذيب .. بصوت الثنائي ابن شقير وابن لبيد
يا معدي فوق رجمن من رجوم الأرض دامي
انت وأنا بعد ما عديت الاعمى والمقدي
جر صوتك والهوى نجدي ترى ماهو بشامي
جرتن يدوي صداها في ضلوعي يالمعدي
دام مالي حيله أعدي معك وأبرد هيامي
لك علي احذف لك شماغي واصفق لك بيدي
بابعير الحمل أبو نابين مردوم السنامي
غاربك لا ثقلت الحمله عن جنوبك يعدي
خل رأسك للسماء ولا يوطيه الخزامي
لو ترى مالك من القصاب عذر ولا مصدي
جعل ربي مايحاسبني على عظة بهامي
والصبر من فوق طاقة ماتحمله امتعدي
لا رفيق إلا الظفر ولا حزام إلا حزامي
بعد ما جربت جمع الذل والسيف المصدي
والمفدي عن بني عمه بروحه ما يلامي
لا بغى عن روحه بروحه يعدي لا يفدي
يا زماني لا بغت تخفي لياليك عظامي
ثم يجئ من بعد جيلي عصر جيلن مستجدي
طالبك حق الكريم اللي ماتجحده الكرامي
ساعتن شح السحاب بماه وكفوفه تندي
لا نشدك اللي ما يعرف فيمتي ولا مقامي
منهو ابن الذيب علمهم بلا ظلم وتعدي
قلهم مدري لكن محمد ابن الذيب يامي
من غروره كل يوم يقول لي منته بقدي
وان دعيته لتحدي قال بالصوت التهامي
أحفرو قبري ياربعي ويش أنا لولا التحدي
يالجفون اللي سرق طيفك من عيوني منامي
ليته يهدي على قلبي وليته مايهدي
كيف تبلغ ناعسات الطرف مركوبة سلامي
وإنتي معيه تلدين النظر لا قلت لدي
لا تخفين الدموع الغاليه تحت اللثامي
ودي أشوف الدموع أودي أشوفك أودي
أن قلبك ما يعاتبني ولا يكثر ملامي
دام يجهل ما أكن ولين يعرف ما ابدي
أستبدي دام قلبي من لهيب الشوق ظامي
ما عطاك إلا الله اللي يعطي الناس أستبدي
Негізгі бет شيله لأبن لبيد وابن شقير
Пікірлер: 9