Schizophrenia
شيزوفرينيا Schizophrenia او الفصام او الذُهان او الفصام الذُهاني او سكيتسوفرينيا
هو المرض الأخطر و الاقوى و الاشرس على الإطلاق من الاضطرابات العقلية
المرض دا لحد انهاردة ناس كتير في المجتمعات المختلفة بيفتكروا ان الأعراض بتاعته عبارة عن مَس او لَبس جن او شيطان او إلى اخره من الأفكار الثقافية القديمة و بتبقى النتيجة التأخر في علاج المرض
و اثبت العلم ان كلما ابتدينا نشتبك بالعلاجات بدري في المرض دا كلما نسب التشافي بتبقى اعلى
حابب اقول لحضراتكم على اشهر الأعراض و الأعمار اللي بيجي فيها
السن دا اللي هي تقريبا في سن ثانوي او الجامعة
اشهر أعراضه و هو مرض اضطراب عقلي يعني اضطراب في التفكير
في التفكير يعني المحتوى في افكار خاطئة بيتبناها الإنسان او بتفرض نفسها على الإنسان
على المريض
ف بيصدق الفكرة الغلط و يبتدي يتصرف على أساسها
اشهر الأفكار على الإطلاق ان هو في حد بيراقبني او في حد عايز يإذيني
دوول اشهر فكرتين غلط بيجوا لمريض الفصام او الذُهان
كمان ساعات يبتدي الكلام يتفك من بعضه ف نلاقي ناس بتقول كلام مش مفهوم
كمان من الأفكار الخاطئة
مجموعة أعراض ليها علاقة بسرقة الأفكار يقول لك ' حد بياخد الأفكار من دماغي ' او زرع الأفكار او يقول لك ' انا بيتكلموا عليا في التلفزيون او بيحكوا قصة حياتي '
الناس كلها مُطلعة على مجريات اللي في دماغي
عكس الشكل دا من المرض لان الشكل دا يعتبر positive يعني في حاجات انفعالية حتى بيؤدي عند بعض المرضى لتكسير و ضرب و كذا نتيجة للأفكار اللي موجودة
في شكل تاني معاكس اسمها negative symptoms واحد بياخد جنب و ينفصل عن الحياة
نفتكرها ساعات الأول اكتئاب و تطلع هي اضطراب في أفكاره
من الأفكار الشهيرة كمان في مرض الفصام ان حد يفتكر نفسه مهم اوي اوي
حاجة ليها علاقة كدة بالعظمة و جنون العظمة و الاحساس بالعظمة
مشهور اوي يقولوا ' انا المهدي المنتظر ' او ' انا من المبشرين بالجنه'
طيب دا اضطراب في التفكير
الشكل المضاف إليه من الأعراض
اضطراب في استقبال الحياة
استقبال زي ما احنا عارفين اللي هم ال five senses اللي هم الشم و التذوق و السمع و الشوف و الإحساس
من أشهر الأعراض هى الهلاوس السمعية ' في حد بيكلمني' ' في دوشة انا سامعها ' 'حد بينده عليا و ببص ملاقيش حد' و لما تكتر و تكبر الأعراض دي بتلاقي بقى انه' في حد بيشتمني لإني مهم ف مش عايز لي الخير ' ف في هلاوس سمعية مربوطة بالفكرة الخاطئة الموجودة عند المريض
كذلك الهلاوس البصرية يشوف خيالات بقى و الناس بتجلهم الأعراض بتاعة ' انا مهم و ربنا جابني الأرض عشان اهدي الناس' إلى اخره يبتدي يشوف يقول لك ' بشوف في السماء اسمي مكتوب ' ' بشوف ملايكه بيجولي '
بيشوف حاجات مش موجودة
المرض دا زي ما قلت لحضراتكم مشكلته في المجتمعات انه المريض بيصبح عبء شديد على الأهل و لا سيما على المجتمع
و لذلك علاجه لابد لما الناس بتستنى و بيكون المرض فيه من ال positive symptoms اللي هي فيها انفعال و عصبية و كذا
ممكن يتعدى على أهله
واحد يتعدى على امه
واحد كذا او كذا يجيله فكرة ان اخته بتعمل حاجة مش كويسة ف يروح يموتها حاجات كتير من النوع ده
بيحصل سيطرة جزئية على الأمراض الذُهانية
العلاجات هامة جدا جدا في هذا المرض
ربنا يجيب الشفا بالأدوية
ساعات ناس تقول لك 'لأ اتحسن دا احنا راقيناه و بقى احسن ' اه ساعات في أول المرض الأعراض ساعات نقول احنا بتقب و تغطس
تزيد شوية و تختفي شوية لحد اما تيجي و تتمكن و تبتدي تبقى شرسة و بعض الأحيان بيتنقل الفكرة الخاطئة من فكرة ل فكرة مختلفة عنها اضطرابات انها بتفضل ثابته
له أشكال كتير اوي اوي
لابد فيه من التدخل الدوائي سواء بالأدوية او جلسات التنظيمية لإيقاع المخ و الناس بيتصوروا انه لو قعدنا نتكلم شوية مع المريض هنقنعه
مافيش قناعه لأن هو اصل العرض للمرض فكرة خاطئة راسخة لا تتحرك
ف لو حضرتك بتناقش المريض في الفكرة اللي عنده الغلط بيعتبرك من اعدائه و اصل الأمر زي ما قولنا الشعور بالمؤامرة و ان الدولة بتجري وراه لانه مهم جدا او لانه هيخترع حاجة و عايزين يموتوه
ربنا يكفينا الشر و يسترها علينا
و رجاءا من اهل المرضى دوول ما يتهاونوش و يأجلوا في علاج ولادهم لأن دوول من شكل المرضى اللي في معظم الحالات ان ما كنش كلها بيجولنا مع اهلهم ما بيجوش لوحدهم لأن المرض بيفقد الإنسان الإستبصار - البصيرة
و يفقده القدرة على الحكم على الأمور
المرض دا اللي هو الذُهان او الشيزوفرينيا Schizophrenia لما بيجي لحد بياكل جزء من قدراته العقلية بيضيع جزء من قدرته على التركيز - ذكائه يقل شوية على حساب انتباهه للمرض
و بيعيش في المرض كأنه عايش حياة موازية مش جوة الواقع اللي عايشين فيه
قصة القناعة ان انا اقنع المريض الذُهاني بإن اللي عنده غلط بنعملها بس لازم تكون تحت تأثير أدوية لعلها أدوية كثيرة مش قليله عشان نقدر نسيطر الأول على حجم الأعراض الكبير و بعدين بنقلل شوية شوية الدوا لحد ما يمشي على maintenance لما بنوصل لأعلى درجات التحسن
شكرا جزيلا لحضراتكم
شفانا الله و إياكم
#mentalhealth #mentalhealthawareness #schizophrenia #صحة_نفسية #شيزوفرنيا #فصام_ذهاني#التركيز #اضطرابات_نفسية #اضطراب #جنون #علاج
Негізгі бет شيزوفرينيا او الفصام الذهاني هو من أخطر الإضطرابات العقلية هنتعرف على أعراضه والسن اللي بيظهر فيه
No video
Пікірлер: 347