Inihayag ni Ivylyn Corpin alyas Ka Red, na kahit NPA na siya ay bumababa parin siya para mag-organisa at mangampanya ng KABAG (Kabataan, ANAKPAWIS, Bayan Muna, Act Teachers, Gabriela) partylists.
Binanggit niya na pumapasok sila sa mga eskwelahan upang magbuo ng mga chapter ng Kabataan at Act Teachers. Bukod sa pag-oorganisa at pangangampanya, sila din ay nakikipag-alyado sa mga pulitiko na sa tingin ng CPP NPA NDF ay “lesser evil” o madaling mapasunod sa kagustuhan ng komunistang teroristang grupo.
Sinabi rin ni Ka Red na para maideliver ang boto, inoobliga nila ang masa sa mga lugar na kanilang nakikilusan. Isang halimbawa na binanggit niya ay ang Sitio Bunugan ng Barangay Carupian sa bayan ng Baggao, Cagayan Valley.
Matatandaang ang naturang barangay ay lupang sinilangan ni Anakpawis 4tn nominee Isabelo Adviento na matagal nang nagtatago sa batas at nahuli kahapon sa bayan ng Nueva Viscaya sa salang illegal possession of firearms.
Ayon kay Ka Red, tatlo lang ang hindi bumoto sa KABAG sa naturang barangay at kilala nila kung sino-sino ang mga ito.
Aniya, marahil nagtataka ang mga tao bakit may malaking boto ang KABAG sa mga liblib na lugar na iyon gayung hindi naman ito napapasok ng sasakyan, wala ring signal, at wala ring mga personahe ng KABAG na nangampanya.
Ipinaliwanag ni Ka Red na ganito ang nangyayari dahil NPA mismo ang makinarya ng KABAG.
Si Ivylyn Corpin ay dating kasapi ng Kabataan Partylist - Polytechnic University of the Philippines at inilipat sa Cagayan Valley para mamuno sa isang yunit ng NPA, ang Henry Abraham Command (HAC).
Kasama niya sa HAC sina Guiller Cadano, 4th nominee ng Kabataan Partylist noong 2016 at si Mia Valencia Regional Coordinator ng ACT Teachers sa Cagayan Valley.
Kaya nananawagan siya sa sambayanan na maging mapanuri sa pagboboto ng kandidato at ng partylist.
Pinatutuhanan din niya na tama ang NTF ELCAC sa paghuhubad ng maskara ng KABAG. Aniya, ang KABAG ang numero unong rekruter ng NPA. Marapat lang na hindi na ito iboto upang mawakasan na ang terorismo sa ating bansa. ### Credits to RTVM and Presidential Communications
Негізгі бет SABI NI KA RED: KAHIT NPA NA SIYA NOON AY BUMABABA SIYA UPANG IKAMPANYA ANG KABAG PARTYLISTS
Пікірлер: 54