सहज मी गुरुच्या चरणी पडलो ।। नाहीं जगामधीं कोठेंचि अडलों ।। धृ० ।।
जीव शिव ब्रह्मभेद खोटा ।। आकाशाहुनी मीच वाढलों ।। १ ।।
अंतर्बाह्य बालावधूत ।। ब्रह्मशिखरीं सहज चढलों ।। २ ।।
ब्रह्मानंदें मस्त होउनी ।। दत्तभजनीं मी नित्य रूढलों ।। ३ ।।
माझ्या मनांत काही हेतु नसतांना अनायासे सद्गुरु बालमुकुंदास निरभिमानपणे शरण जाऊन, त्याच्या पायावर मस्तक ठेवून, माझा सर्व हवाला त्याच्यावर घालून, तेथे स्वस्थ पहून राहिलो असतां, हा परमार्थ मार्ग चालत असतांना, या जगामध्ये मला कोठेच अडथळा आला नाही. मी मायापाशांत अडकलो नाही. गुरुकृपा झाल्यामूळे मला मार्ग आचरणे सोपे गेले रे !।।धृ.।। त्यामूळे “मीच देह आहे." असे मानणारा हा जीब निराळा आहे, सृष्टि निर्माता ईश्वर हा निराळा आहे, व है ब्रह्मस्वरूप निराळे आहे, असा भिन्नपणाचा भेद मानणे खोटेच ठरले गेले. या पंचमहाभूतापैकी भूताकाश सर्वात मोठे आहे, पण या आकाशाहून स्वस्वरूपाने मीच सर्वव्यापक असा झालो. म्हणजे या आकाशाच्या वर माझा चढाव झाला ! या आकाशासही मी व्यापून टाकिले ! असा मी सर्वव्यापक झालो ! ।।१ । । माझ्या या देहांत व देहाच्या बाहेर या दृश्य जगांत असा सर्वत्र परमात्म स्वरूप माझा सद्गुरू बालमुकुंदच नांदत आहे, हे अनुभवाने जाणून, त्याच्या कृपेने मी कांही साधन सायास न करितां, ब्रह्मरूपी पर्वत शिखरांवर सहज चढलो ! म्हणजे अंतिम ध्येय जे ब्रह्मस्वरूप ते मी पूर्ण गांठले ! ।।२ ।। अशा या ब्रह्मानंदाने मी धुंद होऊन, बेफाम बनून, त्या स्थितीत दत्तात्रय गुरूच्या भजन भक्ति करण्यांत आरूढ होऊन, त्यांत पूर्ण सज्ज झालो ! असा मी नित्य भजनानंदांत रंगून, गुरूभक्ति प्रेमसुख सोहाळे भोगू लागलो रे ! ।।३।।
पंत मंदिर भैरववाडी, १३/०७/२०२२
श्री बाल अवधूत पंत भजनी मंडळ, कुरुंदवाड
गायन : संतोश आंबले
पेटी : अमित आंबले
ढोलकी : संजय कोळी
#दत्तभजन #पंतमहाराजभजन #pantmaharajbhajan #पंतभजन #दत्तप्रेमलहरी #dattapremlahari #भजन #bhajan #आरती #arti #arati #भक्ति #bhakti #दत्तात्रेय #dattatraya #dattatreya #दत्त #datta #datt #भक्ती #pantsampraday #पंतसंप्रदाय #पंतसांप्रदाय #पंथमहाराज #panthmaharaj #अवधूत #अवधुत #avadhut #avdhoot #पंतमहाराजबाळेकुंद्री
Негізгі бет सहज मी गुरुच्या चरणी पडलो | दत्त प्रेमलहरी पद २४९१ | पंत महाराज भजन २४९१ | datta premlahari pad 2491
Пікірлер: 6