Алматыда жүздеген адам жиналған "Ирина Кайратовна" тобының ән кешінде Shiza лақап атымен танылған Асхат Жолшиев көк байрағымызды лақтырмақ болған. Жастардың арасында танымал әншілердің бұдан өзге де ерсі әрекеттері жұрттың ашуын тудырды. Олар сахнаға ішімдік ішіп шығып, жиналған көрерменге бейәдеп сөздер айтқан. Концертті тамашалауға барған жұрт топ мүшелерінің тіпті залдағы адамдарға бос бөтелке лақтырғанын да айтып жатыр. Ал өздерін мәдениетсіз ұстаған жігіттердің бұл әрекетіне қарны ашқан қоғам белсенділері, оларды заң алдында жауапқа тарту керек дейді.
Сұмдықтың бәрі Ирина Қайратовна тобы мен Shiza лақап атымен танылған әнші Асхат Жолшиевтің «Көк ту» әнін орындап болған соң басталған. Жүздеген адам жиналған концертте Shiza еліміздің туын қолына мыжып ұстап, кейін лақтырмақ болады. Алайда, сахна сыртындағы ұйымдастырушылардың бірі оған бұл әрекеті үшін әкімшілік жауапкершілік қарастырылғанын айтып, қолындағы туды алып кетеді. Ал Ирина Кайратовна тобының мүшесі Азамат Маркленов Шизаның бұл қылығын келемеждегендей, бар дауысымен күледі. Одан бөлек, бұл концертте көрермен алдында жартылай жалаңаштанып шыққан жас жігіт, қыздарға қарата былапыт сөздер айтқан. Мұны көрген қоғам белсенділері сахнаны сыйламай, шектен шыққан мұндай әншілерді өнер ортасынан аластату керек деді.
НҰРЛАН АЛБАН, эстрада әншісі:
- Олардың көрсетіп жатқан үлесі мынау ма, үлгісі осы ма? Мынаған тоқтау салатын құзырлы орган, жоғарғы шенді шенеуніктерден, министрліктен тоқтату салатын адам бар ма мынаған? + Көк туымызды умаждап, сахнаға алып шыққан тірлікті көрдіңіз бе?
"Ирина Кайратовна" тобының тыңдармандары концерттегі мәдениетсіздік үшін әншілерден көңілі қалғанын жарыса жазып жатыр. Куәгерлердің сөзінше, топ мүшелері сахна мәдениетін сақтамай, ішімдік ішіп ән айтқан. Тіпті бос шөлмектерін көрермендерге қарай лақтырыпты. Концерт тамашалауға барған халық ұйымдастырушыларды да сынап жатыр. Ал бүгін Ирина Кайратовна тобының инстаграмдағы ресми парақшасында Азамат Маркленов сахнадағы қылықтары үшін бүкіл қазақстандықтан кешірім сұрады.
АЗАМАТ МАРКЛЕНОВ, "Ирина Кайратовна" тобының мүшесі:
- Өзімді сахнада мәдениетсіз ұстағаным үшін, ішімдік ішкенім үшін. Мойындаймын. Бұл - менен кеткен үлкен қателік. Бүгін мен үшін үлкен сабақ. Ендігі қайталанбайды деп уәде берем сіздерге. Жаман ниет, жаман ой ешқайсымызда болған емес, кешіріңіздер.
Сондай-ақ, Азамат Маркленов Шизаның туды тек "естелік болып қалсын" деген ниетте лақтырғысы келгенін айтып ақталды. Ал Қазақстан Республикасының мемлекеттік хатшысы Ерлан Қарин әншілер ішімдік ішкендіктен осындай жағдай болған деп ойлайтынын жазды. Сондай-ақ, Мемлекеттік рәміздерді қорлаған әрекеттері үшін құқықтық-нормативтік актілерге сай жауапкершілікке тартылады деді.
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#Shiza #ИринаКайратовна #ИнформбюроЖаңалықтары #БүгінгіЖаңалықтар #БастыЖаңалықтар
Негізгі бет Сахнаға ішіп шыққан "Ирина Кайратовна" мен Shiza-ның әрекеті жұрттың ашуын туғызды
Пікірлер: 4,1 М.