ဒီအာနာပါနကို သမထကျင့်စဉ်နဲ့
ကျင့်မယ်ဆိုရင် အကြမ်းဖျင်း ဘယ်လိုပြောရမလဲ
သမာဓိရလွယ်အောင် ဆိတ်ငြိမ်တဲ့ နေရာကိုသွား တစ်ယောက်တည်းနေ ဆိတ်ငြိမ်တဲ့နေရာသွားခြင်းက အများကြီးအထောက်အကူ ဖြစ်တယ် ဒါတွေက အခြေအနေကောင်းကို ဖန်တီးတယ်လို့ ခေါ်တယ်နော်
ဒါတွေကို ပြောလိုက်တာနဲ့ အားလုံးစုပြီး တရားမထိုင်ကောင်းဘူးလို့ ပြောတာမဟုတ်ဘူး ဆိတ်ငြိမ်ရာ
မဟုတ်ဘဲနဲ့ မြို့ထဲမှာ တရားမထိုင်ကောင်းဘူးလို့
ပြောတာမဟုတ်ဘူးနော် အခြေအနေကောင်းတွေကို ဖန်တီးပေးရတာ။
မြတ်စွာဘုရားက သမထကျင့်စဉ်အရ
ကျင့်တော့မယ်ဆိုရင် ညွှန်းထားတာတွေရှိတယ်
“အရညဂတော ဝါ ရုက္ခမူလဂတော ဝါ”
တောထဲဆိုတော့ လူသူဝေးတယ်။ ဒါကြောင့်
တောထဲမှာဖြစ်စေ သစ်ပင်ရင်းအောက်ဆိုတာ
အရိပ်ကလေးနဲ့ဆိုတော့ ချမ်းသာတယ်
ဒါကြောင့်မို့ သစ်ပင်အောက်မှာ ဖြစ်စေ
အဲဒီလို မရနိုင်ဘူးဆိုရင် ဘာလဲ “သုညာဂါရဂတော ဝါ”
တိတ်ဆိတ်ငြိမ်သက်တဲ့အခန်း အဆောက်အဦးထဲမှာဖြစ်စေ ဟော နေရာရွေးချယ်နည်းကို ပြောတာ
ကမ္မဋ္ဌာန်းတရား အားထုတ်တော့မယ် (သို့မဟုတ်)
သမာဓိကျင့်စဉ် ကျင့်တော့မယ်ဆိုရင် ဆိတ်ငြိမ်တဲ့
တောထဲသွားပါ သို့မဟုတ် ဆိတ်ငြိမ်တဲ့ သစ်ပင်တစ်ပင်အောက်မှာထိုင် သို့မဟုတ် တိတ်ဆိတ်ငြိမ်သက်တဲ့
သုညာဂါရ ဘယ်သူမှမရှိဘူး ကိုယ်တစ်ယောက်တည်း
ရှိတယ် ဘယ်သူမှမရှိတဲ့ အဆောက်အဦး ကမ္မဋ္ဌာန်းကျောင်းထဲမှာ တစ်ယောက်တည်းထိုင် မြတ်စွာဘုရားက နေရာဌာနကို ဖေါ်ပြလိုက်တာ ကမ္မဋ္ဌာန်းအားထုတ်တော့မယ်ဆိုရင် အဲဒီနေရာတွေကို ရွေးတဲ့။
ရွေးပြီးတဲ့အခါမှာ ဘာလုပ်ရမလဲ
“ပလ္လင်္ကံ အာဘုဇိတွာ ဥဇုံ ကာယံ ပဏိဓာယ”
တင်ပျဉ်ခွေထိုင်လိုက်တဲ့ အမျိုးသားတွေကျတော့ တင်ပျဉ်ခွေထိုင် အမျိုးသမီးတွေကျတော့ ဒူးတုတ်ထိုင်တဲ့ပုံစံမျိုးနဲ့ ထိုင် "ပလ္လင်္ကံ အာဘုဇိတွာ” ဘာဖြစ်လို့
ဒီလိုထိုင်တာတုန်းဆို ထိုင်ခြင်းဣရိယာပုဒ်က
မြဲမြံစေတယ် သိပ်လည်းအားမစိုက်ရတဲ့ ထိုင်နည်းမျိုး
အဲဒီလိုနည်းမျိုး "ဥဇုံ ကာယံ ပဏိဓာယ” ခန္ဓာကိုယ်ကို ဖြောင့်ဖြောင့်ထားလို့ဆိုတာ ပေါင်တို့ ဒူးတို့က
ဖြောင့်ဖြောင့်ထားလို့ ဘယ်ရမလဲ ဒါကြောင့်မို့လို့ ခန္ဓာကိုယ်ကို ဖြောင့်ဖြောင့်ထားလို့ဆိုတာ
ခါးကနေ ခန္ဓာကိုယ်ကို ဖြောင့်ဖြောင့်ထားတဲ့
ခေါင်းကြီးကိုလည်း ငိုက်မနေနဲ့ စောင်းလည်းမနေနဲ့
တည့်တည့်မတ်မတ်လေး ထိုင်လို့။
အဲဒီလို ဘာဖြစ်လို့ ထိုင်ခိုင်းတာတုန်းဆိုရင်
အခြေအနေကောင်းတွေကို ဖန်တီးပေးဖို့ အကယ်၍
ခါးကို ကုန်းပြီးထိုင်မယ်ဆိုရင် ကိုယ့်ဟာကိုယ်
စမ်းကြည့် ကျောရိုးတွေမှာ အဆစ်ကလေးတွေရှိတယ် အရိုးအဆစ် ကလေးတွေ ပေါင်းထားတာ
စောင်းပြီးတော့ထိုင်ရင် ခါးကုန်းပြီးထိုင်ရင်
အဲဒီအရိုးအဆစ်ကလေးတွေက အာရုံကြောတွေကို
သွားဖိနေတတ်တယ် တည့်တည့်မထိုင်မိလို့ ဆန့်ဆန့်
မထိုင်မိလို့ရှိရင် ဖိတတ်တယ် ဖိနေပြီဆိုရင် ဘာဖြစ်လဲ ကြာရှည်ထိုင်တဲ့အခါမှာ ခါးကိုက်တာတို့ ကျောအောင့်တာတို့ဆိုတဲ့ ဝေဒနာတွေ ဖြစ်လာတယ် အဲဒါကြောင့်
အဲဒီ ဝေဒနာတွေ မပေါ်ရအောင်လို့ ဆန့်ဆန့်ကလေး
ထိုင်ပါလို့ပြောတာ။
ဆန့်ဆန့်ကလေးထိုင်ပြီး
“ပရိမုခံ သတိ ံ ဥပဋ္ဌပေတွာ”သတိဆိုတဲ့တရားကိုနော် အာရုံဘက်ကို ဦးလှည့်ပြီး ထားလိုက် ဆိုလိုတာက
ထွက်လေ၀င်လေပေါ်မှာ သတိလေးထားလိုက်လို့
ပြောတာ ထွက်လေ၀င်လေပေါ်မှာ သတိထားပါ သတိထားပြီးတဲ့အခါ သတော၀ အဿသတိ
သတော၀ ပဿသတိ ဆိုတဲ့အတိုင်း သတိထားပြီးတော့ ၀င်လေထွက်လေကို မှတ်ပါတဲ့ ထွက်နေတယ် ၀င်နေတယ်ဆိုတဲ့ သဘာဝတွေကို သိအောင် ကြိုးစားပါတဲ့။
ဒီတော့ ပထမ သမာဓိကျင့်စဉ်
ကျင့်မယ်ဆိုလို့ရှိရင် ထွက်လေ၀င်လေကို
အာရုံပြုပြီးတော့ စိတ်ဟာ ငြိမ်လာလိမ့်မယ်
စိတ်ဟာ ထွက်လေ၀င်လေပေါ်မှာ အတော်ငြိမ်လာပြီဆိုလို့ရှိရင် ပထမစပြီး ရနေတဲ့ သမာဓိကို
ပရိကမ္မ သမာဓိလို့ ခေါ်တယ်
စိတ်ကလေးငြိမ်နေအောင် စပြီး လုပ်နေပြီ
စိတ်ကလေး အတော်ငြိမ်လာပြီဆိုတဲ့ အခါကျလို့ရှိရင် အာရုံဟာ ထင်ထင်ရှားရှား ပိုဖြစ်လာတယ်
နှာသီးဖျား တိုက်တိုက်ပြီး ထွက်သွား၀င်သွားတဲ့
ထွက်လေ၀င်လေ ထင်ထင်ရှားရှားဖြစ်လာတယ် နောက်ကျတော့ အဲဒီလေက အသွင်ပြောင်းသွားတယ်
လူ့ရဲ့အသိစိတ်ထဲမှာ ဘာဖြစ်လာတုန်းဆိုရင်
မိမိနှာခေါင်းထဲက အလင်းတန်းလေး ထွက်နေတာလို့ ထင်လာတယ် ဒါ နိမိတ်လို့ ခေါ်တယ်ပေါ့
အလင်းတန်းလေး ထွက်နေတာ မြင်ရတာမျိုး
သို့မဟုတ် ပုတီးလုံးလေးတွေ နှာခေါင်းထဲက
ထွက်နေတာမျိုး နောက် မီးခိုးတန်းလေးတွေ နှာခေါင်းထဲက ထွက်နေတာမျိုး ဆေးလိပ်သောက်တဲ့လူတွေ နှာခေါင်းထဲကနေပြီးတော့ မီးခိုးထုတ်သလို
ထွက်လေ၀င်လေဟာ အဲဒီလို မီးခိုးတန်းကလေးလို စိတ်ထဲမှာ မြင်ယောင်လာတယ် အဲဒါဟာ အာရုံနိမိတ်တွေ ပေါ်လာတာ ပဋိဘာဂနိမိတ်လို့ ခေါ်တယ်။
တကယ်တော့ အဲဒီအာရုံဟာ
စိတ်ထဲမှာထင်လာတဲ့ အမှတ်သညာကြောင့်
ဖြစ်တဲ့အာရုံမျှသာ ဖြစ်တယ်ပေါ့
တစ်ယောက်နဲ့တစ်ယောက် မတူဘူး
ဘာကြောင့် မတူတုန်းဆိုရင် အမှတ်သညာချင်းက
မတူသည့် အတွက်ကြောင့် တစ်ယောက်နဲ့တစ်ယောက်ဟာ ပေါ်လာတဲ့အာရုံချင်း မတူဘဲ ဖြစ်သွားတယ်။
အဲဒီပေါ်လာတဲ့အာရုံပေါ်မှာ
စိတ် အမြဲရောက်နေအောင် ပို့တင်ထားပေးတာက ဝိတက်၊ အဲဒီနိမိတ်အာရုံပေါ်မှာ စိတ်ကျေနပ်နေအောင် လုပ်ပေးထားတာက ပီတိ၊ အဲဒီအာရုံပေါ်မှာ ကျေနပ်ပြီးတော့ နှစ်သက်သဘောကျနေတာက သုခ၊
အဲဒီ နမိတ်အာရုံလေးပေါ်မှာ စိတ်ကလေးငြိမ်နေတာက ဧကဂ္ဂတာတဲ့၊ ဟောဒီသဘာ၀တရား ငါးခုက ဟန်ချက်ညီညီနဲ့ နိမိတ်အာရုံပေါ်မှာ အလုပ်လုပ်လာပြီ ဟန်ချက်ညီသွားပြီ ဆိုလိုက်တာနဲ့ တစ်ပြိုင်နက်
အဲဒီစျာန်အင်္ဂါငါးပါးနဲ့ ဖွဲ့စည်းထားတဲ့ ပထမစျာန်
ပထမအဆင့်ကို ဒီပုဂ္ဂိုလ်ဟာ ရောက်ရှိသွားပြီ
ပထမစျာန် ရသွားပြီလို့ ဒီလို ပြောတာ။ပထမစျာန်ရသွားတဲ့အခါမှာ
ဒီသဘာ၀တရားငါးခုဟာ ဒီအာရုံနဲ့ အလုပ်လုပ်နေကြတယ် ပထမအကြိမ် ရထားတဲ့အချိန်လေးမှာ
ဖြတ်ခနဲရသွားတာ တစ်ညီတည်းဖြစ်သွားတယ်
အင်အားကောင်းတဲ့ရှုမှတ်မှုလေးဟာ ဖြတ်ခနဲဖြစ်သွားပြီးနောက် သာမန်အနေအထားဘက် ရောက်သွားတယ် အဲဒီအချိန်မှာ ထပ်ပြီးတော့ ကြိုးစားတယ်
အကြိမ်ကြိမ်လုပ်တဲ့အခါကျတော့ ကိုယ်ကြိုက်သလောက် အချိန်ပိုင်းတစ်ခုလုံးထိအောင်
ဟောဒီ သဘာ၀တရားတွေဟာ ထိုအာရုံပေါ်မှာ
စိတ်ကို စွမ်းဆောင်ထားနိုင်တယ်တဲ့
၀ိတက်က အာရုံပေါ် စိတ်ကိုတင်ပေးလိုက်တယ်
ဝိစာရက အာရုံနဲ့စိတ် ကွာမသွားအောင် ထိန်းပေးတယ် ပီတိက စိတ်ကို အာရုံပေါ်မှာ ပျော်နေအောင် လုပ်ပေးထားတယ် သုခက စိတ်ကို အာရုံပေါ်မှာ ကျေနပ်နေ အောင် လုပ်ပေးထားတယ် ဧကဂ္ဂတာက စိတ်ကို ဒီအာရုံတစ်ခုတည်းကလွဲလို့ .,....
Негізгі бет သမထကျင့်စဉ်နဲ့ သွားတဲ့ ဈာန်တရားအကြောင်း တရားထိုင်နည်းနင့် ဈာန်ဝင်စားပုံ အဆင့်ဆင့်
Пікірлер: 29