CAMARQANDDAGI TERGOV IZOLYaTORIDAN ShAXSAN DXX RAISI ABDUSALOM AZIZOV BUYRUG‘I BILAN HIBSGA OLINGAN YIRIK TADBIRKORNING O‘LIGI ChIQDI
26 aprel' kuni Samarqanddagi DXX tergov izolyatoridan navoiylik ko‘zga ko‘ringan tadbirkor, 56 yashar Azamat Xalikovning jasadi chiqdi.
Shu oy o‘rtalarida DXX xodimlari tomonidan hibsga olingan Azamat Xalikov Navoiy viloyatidagi eng yirik qurilish shirkati - "Temur Malik" MChJga rahbarlik qilgan.
Uning nimada gumon qilinib hibsga olingani va tergov tafsilotlari Eltuzga ma'lum emas.
Marhumning janozasi bugun, 27 aprel' kuni o‘zi istiqomat qilgan Qiziltepa tumani Oqsoch MFY Urganji qishlog‘idadagi xonadonidan chiqarilgan.
Azamat Xalikov rahbarlik qilgan MChJda 4500 nafar odam ishlagan.
Azamat Xalikov - shaxsan DXX raisi Abdusalom Azizov buyrug‘i bilan shu kunlarda ham Navoiy viloyatida bo‘lib turgan DXX tezkor guruhi hibsga olgan shaxslardan faqat bittasi.
Eltuz manbasining aytishicha, tezkor guruhga Xalikov va boshqa tadbirkorlardan Navoiy viloyati rahbariyati va viloyatdagi yirik korxonalar, xususan Navoiy NGMK rahbariyatiga qarshi ko‘rsatmalar olish topshirig‘i berilgan.
Eltuz manbasi keltirayotgan ismlar orasida shaxsan NGMK rahbari, O‘zbekiston Qahramoni, senator Quvondiq Sanaqulov ham bor.
Eltuz Xalikovning o‘limi hamda DXX rahbari Abdusalom Azizovning topshirig‘i bilan o‘tkazilayotgan reydlar tafsilotini o‘rganmoqda.
Tahririyat bu borada rasmiy munosabatga ochiq.
Негізгі бет Samarqanddagi DXX izolyatoridan navoiylik yirik tadbirkor jasadi chiqdi
Пікірлер: 247