Lyrics By: Virgencito Lariosa, NR98
Music By: Gani Villarojo
Arranged By: Neil Salarda
Performed By: July Ann Uy
San Fernando Hymn (Lyrics)
Lungsod nga masidlakon, matahum og malinawon
Lungsod sa mga awit og huni sa kagabhion;
Kaliwat nga tabunon gikan pa ni Humabon;
Maisogon nga makigbugno sa mga hulga sa panahon;
Kaumahan’g Kadagatan nagmabungahon
Inubanan sa kakugi ug kamatinabangon;
San Fernando mibarog bisan pa sa dagkong unos
Tungod sa panaghiusa sa mga tawo mibugkos.
San Fernando Minahal kong Lungsod
Kusog akong ihalad sa Dios akong isaad;
Nga ikaw amumahon, ikaw akong panggaon
Aron ang kaugmaon, magmasanagon.
Lungsod nga gipuy-an sa mga inila og bantogan
Patron San Isidro Labrador, maoy sinaligan
Kalantip sa huna-huna maoy atong gisandigan
Aron sa laing nasod kita mailhan.
San Fernando Minahal kong Lungsod
Kusog akong ihalad sa Dios akong isaad;
Nga ikaw amumahon, ikaw akong panggaon
Aron ang kaugmaon, magmasanagon.
Gugma og panagdait sa mga bisita ikadalit
Mga katawa ug pahiyom maoy ipabawon;
Gikan sa kilom-kilom hangtud sa kadlawon.
Puno sa kasadya, puno sa pagmaya
San Fernando lungsod nga mabulokon
Atong Duawon.
San Fernando Minahal kong lungsod
Kusog akong ihalad sa Dios akong isaad;
Nga ikaw amumahon, ikaw akong panggaon
Aron ang kaugmaon, magmasanagon.
San Fernando nga mabulokon
San Fernando minahal kong lungsod
San Fernando!
Негізгі бет San Fernando Hymn - Lyric Video
No video
Пікірлер: 6