БІЗДІҢ KZitem АРНАҒА ТІРКЕЛІҢІЗ: / @informburo31kanal
---------------------------------------------
Атырауда әуе мен теміржол билеттеріне сұраныс күрт артты. Өйткені тасқынға байланысты жұрт басқа аймақтарға жаппай кетіп жатыр. Әсіресе, теміржол вокзалында билет іздеп жүрген халықтың қарасы қалың. Дені Ақтөбе, Маңғыстау және Алматы қаласына жол тартқан. Ал аймақта ахуал әлі де тұрақсыз. Бүгін Жайық өзенінің деңгейі 21 сантиметрге дейін көтерілген. Жергілікті билік тасқын судың алдын алу үшін дайындық жұмыстарын күшейттік, дүрбелең туғызуға негіз жоқ дейді.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
Сапырылысқан жұрт. Иін тірескен кезек. Улап-шулаған бала. Атыраудағы теміржол вокзалында бірнеше күннен бері осындай қарбалас. Қалаға тасқын қаупі төнген соң қараша басқа қалаларға жаппай кетіп жатыр. Әсіресе, Ақтөбе, Ақтау мен Алматы бағытындағы пойыздарға билет жоқ. Құлсарыдағы ахуалды көрген қараша сақтанғанды сақтайды деп отыр.
Тіпті, көбі өзге өңірлерден алдын ала пәтер жалдап, жұмыс та тауып қойғандарын айтады.
БЕКБОЛАТ ӘЛІМҚҰЛ, Атырау қаласының тұрғыны:
- Қазіргі таңда Ақтауға жолға шығайын деп отырмыз. Пәтер жалдаймыз, ешкім жоқ онда. Күйбең тіршілік қой. Пәтер жалдап қойдық, қарастырып. Билет құны ұшаққа қымбат, қазір Ақтауға билет жоқ. Бір апта бұрын алып алдық біздер. Біреу орнын өткізген, соны ұстап алып қалдым.
ЖАНАРГҮЛ ТҰРЛЫҚҰЛОВА, Атырау қаласының тұрғыны:
- Тасқынға байланысты бұйырса жетіп алсақ. Ақтөбеге жетемін, сосын Алматыға кетемін. Ел аман, жұрт тыныш болсын. Бала-шағамыз барлығымыз кетіп жатырмыз. Бүкіл дүниені барлығын чемоданға салдық. Заттарды су тимейтін жерге қойдық.
Билетке сұраныс күрт артқан соң Ақтөбе, Маңғыстау облыстары мен Алматы бағытында жүретін пойыздарға қосымша 11 вагон қосылған екен. Ал билет құны қымбаттаған жоқ дейді теміржол вокзалының басшысы.
АЙГҮЛ САЙЫН, Атырау теміржол вокзалының басшысы:
- Қазір уақытта билеттер сатылып жатыр. Жолаушылар діттеген жеріне кетіп жатыр. Еш қиындық жоқ. Қазір спрос көп болған соң қосымша вагондар қосылды. Қазіргі күні Құлсарыға да кетіп жатыр. Біздің 5 вагонымыз.
"Хиуаз Доспанова" атындағы Атырау халықаралық әуежайында да жолаушылар саны көбейіп, әуе билеттерін табу қиындаған. Ал шенеуніктер алаңдауға еш негіз жоқ дейді. Сондықтан халық арасында дүрбелең тудырып, жалған ақпаратқа сенбеуге шақырады. Қазір барлық қауіпті аумақтар анықталып, тасқынның алдын алу жұмыстары жүргізіліп жатқанын жеткізді.
ЖАСҰЛАН БИСЕМБИЕВ, Атырау облысы әкімінің орынбасары:
- Өткен тәулікте Жайық өзеніндегі гидропосттар 21 см көтерілгені байқалып жатыр. Сонымен қатар Жайықтың үстіндегі гидропосттар су деңгейінің өсіп келе жатқаны байқалады, осыған орай қазір Жайық жағаларын бекіту жұмыстары қарқынды жүзеге асуда. Қазіргі таңда қала аймағындағы Жайық жағалауын 105 км нүктелерге бөлініп, жаға бекіту жұмыстары бір аптаға жуық қарқынды жүзеге асуда.
Қазір жергілікті билік су тасқынына дайындық жұмыстарын күшейткен. Айтуларынша, Жайықтың жағасында орналасқан Бесікті, Алмалы, Береке елдімекендерінде қауіп жоғары. Ал су қалаға кірген жағдайда 20 мыңнан астам эвакуациялық пункт дайын тұр екен.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
Негізгі бет Сапырылысқан жұрт. Улап-шулаған бала: атыраулықтар қаладан жаппай кетіп жатыр
Пікірлер: 34