Alloh taolo: Tezda uni saqar(do‘zaxi)ga kiriturman. Va saqar nimaligini senga nima bildirdi? U boqiy qoldirmas va tark ham qilmas. U terini ko‘p kuydiruvchidir. U(saqar)ning ustida o‘n to‘qqizta (farishta) bor , degan.
Alloh taolo ushbu oyati karimalarda Valid ibn Mug‘iyra nomlimushrik-kofir bandani Saqar nomli do‘zaxga kiritishini, o‘sha do‘zaxning vasfini bayon qilmoqda.
Tezda uni saqar(do‘zaxi)ga kiriturman .
Men o‘sha nobokor Validni Saqar nomli do‘zaxga kiritaman.
Va saqar nimaligini senga nima bildirdi?
Saqarning nimaligini sen o‘zingcha bila olmaysan. Shuning uchun uni senga O‘zim vasf qilib beraman.
U boqiy qoldirmas va tark ham qilmas .
Ya’ni, hech narsani o‘z holicha qo‘ymaydi.
U terini ko‘p kuydiruvchidir .
Ya’ni, Saqar do‘zaxi o‘ziga tushgan odamlarning terilarini qattiq kuydirib, jizg‘anak qilib, qoraytirib tashlovchidir. Shunda bashar so‘zi bashara-teri ma’nosida bo‘ladi.
Oyati karimaning ikkinchi ma’nosi ham bor. Unda lavahutul bo‘rtirib ko‘rinuvchi bashar esa, bashariyat-odamlar ma’nosida bo‘ladi.
Shunda saqar do‘zaxi odamlarga uzoqda alohida bo‘rtib ko‘rinib turuvchi, degan ma’noni bildiradi. Ba’zi rivoyatlarda, saqar, besh yuz yillik masofadan ko‘rinib turadi, uni qayerda ekan, deb izlashni, bo‘yin cho‘zib qarashning hojati yo‘q, deyilgan.
Ushbu ma’nolar bir-birini to‘ldirib keladi, desak ma’no yana ham to‘liq bo‘ladi, deb o‘ylaymiz.
U(saqar)ning ustida o‘n to‘qqizta (farishta) bor .
Jobir ibn Abdulloh ismli sahobadan qilingan rivoyatda aytilishicha: Payg‘ambarimiz huzurlariga bir kishi kelib: Ey Muhammad! Bugun sahobalarring mag‘lub bo‘ldilar , dedi. Rasululloh alayhissalom: Qandoq qilib? dedilar. U kishi:
Yahudiylar ulardan sizlarga Payg‘ambaringiz do‘zax ahlini azoblovchi farishtalarning sonini o‘rgatdimi, deb so‘rashgan edi, ular: Biz bilmaymiz, Payg‘ambarimizdan so‘rab ko‘raylik , deyishdi , dedi.
Shunda Payg‘ambarimiz sallollohu alayhi vasallam: Hali bilmagan narsalaridan so‘roq qilinsayu, qavm, Payg‘ambarimizdan so‘rab bilamiz, desa, mag‘lub bo‘lgan bo‘ladimi? dedilar-da, Allohning dushmanlarini menga chaqirib qo‘yinglar, ular o‘z Payg‘ambarlaridan Allohni ochiq-oydin ko‘rsatib qo‘yishni so‘raganlar , dedilar.
Yahudiylarni chaqirib kelishdi. Ular: Ey Abul Qosim (ya’ni, Muhammad), do‘zax ahlini azoblaydigan farishtalar nechta? deyishdi.
Payg‘ambarimiz sallollohu alayhi vasallam, buncha, deb ikki kaftlarini bir-biriga urib ko‘rsatdilar, ikkinchi urishda bitta panjani bukdilar. Ya’ni, o‘n to‘qqizta, dedilar.
#MARUZA #SAQAR #JAHANNAM МАЪРУЗА
Негізгі бет SAQAR ( DO'ZAX ) GA KIMLAR KIRADI? MA'RUZA |САКАР ( ДУЗАХ ) ГА КИМЛАР КИРАДИ? МАЪРУЗА ЖАСУР ЛАТИПОВ
No video
Пікірлер: 4