Сэрии иннинэ Чурапчы оройуонун нэһилиэнньэтэ 18.000 эбит буоллаҕына, сэрии кэнниттэн - 7000. Кэлин 80-с сылларга, 40 сыл буолан эрэ баран, бастакы сыыппара ситиһиллибитэ… Дьон бастыҥа-эдэр уолаттар, ыал аҕалара Ийэ дойдуларын көмүскүү Улуу сэриигэ аттаммыттара, үгүстэр сэрии толоонугар дьоруойдуу охтубуттара, олохторун толук уурбуттара. Оттон дойдуларыгар хаалбыт кэргэттэрэ, кырдьаҕас ийэлэрэ, аҕалара, оҕолоро-уруулара хоту “балык булдугар” диэн, көһөрүллүүгэ барбыттара…
1942 сыл атырдьах ыйын 11 күнүнээҕи 213№-дээх уурааҕар олоҕуран, Чурапчы оройуонун колхуостарын суһаллык, Хоту, балык булдугар көһөрөргө күһэйбиттэрэ. Историяҕа “Чурапчы алдьархайа” диэн аатынан харах уулаах киирбитэ. Биһиги улуустан 41 колхуос, 5318 киһилээх 1850 хаһаайыстыбаны, төрөөбүт төрүт буордарыттан күүс өттүнэн күһэйэн - Кэбээйи, Булун, Эдьигээн оройуоннарыгар өлөр-өһөр дьылҕаҕа уураахтаабыттара. 41 колхуостан үгүстэрэ хоргуйан, аҥардара ситэри тиийбэккэ эрэ аара тоҥон, охтон, буурҕаҕа мунан, өлбүттэрэ, сүппүттэрэ...
Монтаж, оцифровка: Иннокентий Туйма
Год выпуска: 2016 г.
Негізгі бет Саввина Анна Егоровна
Пікірлер: 3