(ร้อง)กลับมาอีกแล้ว เสียงโฮแซวปรบมือให้แหน่
สวัสดีคุณพ่อคุณแม่ ลูกหลานมาแว มายามถามไถ่
ฝากเบิ่งแงงผลงาน เป็นตำนานแห่งบุญบั้งไฟ
สืบศิลปะอีสานด้วยใจ ฝากผลงานไว้ชั่วนิรันดร์กาล
(ลำเพลิน) หละกรรมการอยู่เทิงฮ้าน จำลูกหลานน้อได้บ่
สองมือยอนอบน้อม ขมาท่านผู้สุคน
หละเปรมปรีดีใจล้น น้ำตาหล่นน้อรินไหล
แฟนใกล้ไกลคะนิงฮักบ่เคยลืมนำเชียร์ย้อง
หละบ่เป็นสองดอกเด้อท่าน พวกลูกหลานขอเป็นหนึ่ง
ด้วยความฮักความฮักความคิดถึง ด้วยแรงใจจากพี่น้องยังคงยั้งอยู่บ่เซา
หละจับตำนานขึ้นมาเว้า เป็นเรื่องเก่าแต่ปางหลัง
หละคุณผู้ฟังยังสิเห็น ให้ค่อยดูเอาเด้อท่าน
(ผญา)
พี่น้องเอ่ย พอแต่เดือนหกขึ้น มื้อใหม่วันดี
ประเพณีฮีตหลังให้สืบฮอยเฮาไว้ บุญบั้งไฟจูดถวยฟ้า
เทวาอินให้หลิงล่ำ เทโวฝนฮ่ำย้อยฝูงข้าจั่งอยู่ดี
แซวๆเสียงพี่น้อง เพิ่นเติ่นป่าวเอากัน เป็นมื้อวันฤกษ์ดียามแม้ง
พากันแต่งแปงเอ้ ยกบั้งไฟออกว่า นางรำมาแอ่วฟ้อน สะออนเด้ท่านผู้ฟัง
(กาพย์)
โอ้ เฮา โอ่ พวกเซิ้งเฮาโอ
สาธุสาวันทานอบน้อม
เฮามาพร้อมกันสาธุการ
ไหว้พระพุทธยกไว้เหนือเศียร
ไหว้พระธรรมยกไว้เหนือเกล้า
ไหว้พระสงฆ์องค์เจ้า ให้มาเข้าฮักษา
กับทั้งอาจารย์พร้อมผู้เป็นครูสอนสั่ง
คุณพ่อแม่ผู้เลี้ยงให้มาเยี่ยมล่ำมอง
ขอให้เสียงของข้าดังดีอย่ามีล่า
ยามข้าจ่ายกาพย์เซิ้งอย่าคาค้างหว่างกลอน
โอ้เฮาโอ่ สาวโอละนอ
มาฮอดแล้ว ปีใหม่ของเฮา
เพิ่นพาเอา บุญบั้งไฟบ่ขาด
มีนักปราชญ์เฒ่าแก่โบราณ
นำตำนาน ผาแดงนางไอ่
ฮอดปีใหม่ ขอฟ้าขอฝน
เป็นมงคล บ่ได้อดอยาก
บ่ลำบาก เฮ็ดไฮ่เฮ็ดนา
จึงบูชา พระยาแถนเจ้า
ฝนอั่งเอ้า ตกหล่นลงมา
พันธุ์พฤกษา พืชผักต่างๆ
แสนดูทาง เฮ็ดอยู่เฮ็ดกิน
บ่มีขีน อันใดจักอย่าง
โอ้ เฮา โอ่ พวกเซิ้งเฮาโอ
(ร้อง)
เวลาจั้นจ่อม่อมา ๆ ขอโบกมือลาแฟนแฟนทุกคน
วิงวอนเทพไท้บันดล พรสิ่งมงคลให้ปกปักฮักษา
ลูกหลานมาฟ้อนมาลำ ๆ ขอให้เลิศล้ำด้วยสติปัญญา
หล่า ลา ลา ลา ลาหล่าหล่าลาหล่าลาลาลา กราบนมัสการให้คลาดแคล้วภัยพาลอย่ามีมารมาบัง ขอคุณพุทธธัง ธัมมัง ช่วยให้สมหวัง....ดังปอง
(ลำซิ่งหย่าว)
ฟัง ลำร้อง ลำร้อง ลูกหลานสิหย่าว หย่าว หย่าว หย่าว เด้อชายเด่อ เด้อชายเด่อ เด่อ เด้อ ชายเด้อ ขอคะแนนแหน่เด้อ เด้อท่าน เด้อท่าน ให้ลูกหลานนำแหน่ ขอนำแหน่พี่น้อง ให้เชียร์ลูกเชียร์หลาน บั้งไฟล้านบุญใหญ่จัดโต ป้าดติโท้ว สมคำยอย้อง พวกพี่น้องสามัคคีเล่นม่วน บรบวรบั้นท้ายสิฟายฟ้อนฮ่อนแอว
(ร้อง)
ยินเสียงโฮแซวฮ้องป่าวแถนบนฟ้า เปรียบเหมือนเป็นสัญญาว่าอย่าลืมฮีตเก่า ซ่อยกันฮักษาเอกลักษณ์บ้านเฮา กลับมายามบ้านบุญบั้งไฟบ้านเฮา ขอส่งพรวอนกล่าวให้ท่านจงโชคดี ขอให้มีความสุขทั่วกันทุกท่านเทอญ
Негізгі бет เซิ้งบั้งไฟ by นาฏกรรมแห่งขุนเขา (มาดามโชว์)
Пікірлер: 40