Семей қаласының тұрғыны Бауыржан Базбеков өз ауласынан ғажайып тас тауып алды. Үйіне құдық қазып жатқан ол алғашында мән бермеген.
Кейінірек осыдан бірнеше жыл бұрын бақшаны қазып жатып көне пышақ тауып алғаны есіне түсіп, құрылыс жұмыстарын тоқтата қойған.
Ең алғашқы болып бұл көрініске біздің тілшілеріміз куә болды. Жергілікті өлкетанушылар мен тарихшыларды да оқиға орнына шақырып, көне дүние жайында айтып беруін өтінді.
Археологтардың алдын ала болжауы бойынша, бұл тас қола дәуіріне тиесілі, тіпті сақ патшаларының қорымы болуы да мүмкін.
Қазір мамандар тереңірек зерттеу жұмыстарына кірісті. Олардың қортындысы жөнінде біз толығырақ хабарлайтын боламыз.
Бауыржан Базбеков, Семей қаласының тұрғыны
-Сантехниктер келіп, «мынаны үлкен етіп қазбасаңыз, үлкен насос тұрады, соған үлкен ғып қазу керек», - деді. Содан кейін қазып, осы тасты таптым, әйтпесе ол сол беті табылмай жата беруші еді. Алғашында ойладым, мынау жай тас екен деп, сосын үлкен тастың бұрышы шыққаннан кейін өрнектері шықты. Бұл ежелгі тас болуы керек деген қызығушылық пайда болды содан.
Амантай Исин, тарих ғылымдарының кандидаты
-Біздің қаламыздың тарихы тереңде ғой, қаланың өзінің шеңберінде ескерткіштер табылып жатыр. Соның куәгері болып тұрмыз. Тастан құйылған үлкен бір саркофакқа ұқсас үлкен тас шықты. Солай болуы әбден мүмкін дейміз. Өйткені тастың келбеті және сыртында бір өрнектер бар екен.
Негізгі бет Семей тұрғыны ауласынан көне тас тауып алды
Пікірлер: 10