Елімізде мыңдаған мүмкіндігі шектеулі азамат әлі күнге дейін мемлекеттен баспана ала алмай жүр. Қазақстанда 700 мыңға жуық мүгедек бар. Ал мемлекет жыл сайын олардың тек сегіз жүзін ғана баспанамен қамти алып жүр. Былтыр бұл көрсеткіш үш пайызға төмендеп кетіпті. Егер үкіметтің мүгедектерді үймен қамтуы дәл осылай жалғаса берсе кезектегі ең соңғы адам өзіне тиесілі пәтерін кем дегенде 80 жыл күтуі керек екен.
Жасұлан Сүлейменов тұратын бұл үйде лифт те, пандус те жоқ. Інісі, көршілері осылай көмектеспесе 2003 жылдан бері арбаға таңылған ол өздігінен пәтеріне кіріп-шыға алмайды. Мүгедектігін рәсімдегеніне 18 жыл болған азамат 2017 жылдан бері үйдің кезегіне тұра алмай келеді.
ЖАСҰЛАН СҮЛЕЙМЕНОВ, Бірінші топтағы мүгедек:
- Қаншама рет мында акиматтан да келді, Минтрудтан да, неше түрлі департаменттардан да. Бәрі. Анау маслихат бар ғой содан да бір депутат келді. Ешқандай өзгерістер жоқ қой. Бюро по провам человека, сол кісілерге жазамын, олар көмектеседі. Ал, акиматтан көмек жоқ қой оларда тек жәй отпискалар ғой.
Тұрғын үй кезегіне жауаптылар карантин талаптарына сай, былтыр Жасұланға: "егов порталы арқылы үй кезегіне тұрыңыз" деп кеңес берген. Тұрақты тіркеуі бар, құжаты түгел, бірақ егов порталында кезекке тұру өтініші әлі "қарастырылып жатқанын" көрсетіп тұр. Ал елімізде 700 мың мүмкіндігі шектеулі азаматтың 10 проценті баспанаға мұқтаж, кейбірі Жасұлан секілді туысының үйінде тұрады.
НАРИМАН ТӨРЕҒАЛИЕВ, ҚР Парламенті Сенатының депутаты:
- Мүгедектерге арналған тұрғын үй қорын ұлғайту қажет. Мүгедек адамдарымыз ұзақ жылдар бойы баспананы тұрғын үй кезегі арқылы алуға болатынынан күдер үзіп, күмәнмен қарайтын жағдайға жетті.
2014 жылдан бастап мүгедектерге деп берілетін пәтердің бөлмелері жүріп-тұруына ыңғайлы, санитарлық талапқа сай салынуы керек еді. Бірақ, үйдің жобасын сызарда бұл ережені сақтап жатқан ешкім жоқ. Ал, пәтерге кіру емес, үйдің кезегіне тұру үшін 4 жылын сарп еткен Жасұлан Сүлейменов баспанадан үмітін үзген. 65 мың теңге жәрдемақымен күн көріп отырған ол арбасымен өздері жасап алған ағаш пандуысының барына шүкір етеді.
АЙБАР ТӨЛЖАНҰЛЫ, тілші:
- Мүгедектердің баспана мәселесін шешу үшін Сенатор Нариман Төреғалиев әзірленіп жатқан - «Әлеуметтік кодекске» мүмкіндігі шектеулі жандарға арнайы бөлім енгізейік деп отыр. Сондай-ақ, үй кезегін тездету үшін «Тұрғын үй қатынастары туралы» Заңға өзгерістер енгізіп, үшінші топтағы мүгедектерге де үй алу мүмкіндігін беруді ұсынды.
Айбар Төлжанұлы, Дидар Елеуов
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #мүгедектер #баспана
Негізгі бет Сенатор үшінші топтағы мүгедектерге үй алу мүмкіндігін беруді ұсынды
Пікірлер: 18