E' una delle canzoni napoletane più famose al mondo. La musica è di Gaetano Lama su versi di Libero Bovio. L'anno è il 1917. E' la storia di un amore finito. Nel repertorio di quasi tutti i grandi cantanti fra cui primeggiamo Massimo Ranieri, Carlo Buti, Renzo Arbore, Roberto Murolo, Peppino di Capri e Giacomo Rondinella. Molto singolare , infine, la versione di Claudio Baglioni. La Voce di Napoli la interpreta con grande sentimento.
REGINELLA
Bovio - Lama
Te si' fatta na vesta scullata,
nu cappiello cu 'e nastre e cu 'e rrose...
stive 'mmiez'a tre o quatto sciantose
e parlave francese...è accussí?
Fuje ll'atriere ca t'aggio 'ncuntrata
fuje ll'atriere a Tuleto, 'gnorsí...
T'aggio vuluto bene a te!
Tu m'hê vuluto bene a me!
Mo nun ce amammo cchiù,
ma ê vvote tu,
distrattamente,
pienze a me!...
Reginè', quanno stive cu mico,
nun magnave ca pane e cerase...
Nuje campávamo 'e vase, e che vase!
Tu cantave e chiagnive pe' me!
E 'o cardillo cantava cu tico:
"Reginella 'o vò' bene a stu rre!"
T'aggio vuluto bene a te!
Tu m'hê vuluto bene a me!
Mo nun ce amammo cchiù,
ma ê vvote tu,
distrattamente,
parle 'e me!...
Oje cardillo, a chi aspiette stasera?
nun 'o vvide? aggio aperta 'a cajóla!
Reginella è vulata? e tu vola!
vola e canta...nun chiagnere ccá:
T'ê 'a truvá na padrona sincera
ch'è cchiù degna 'e sentirte 'e cantá...
T'aggio vuluto bene a te!
Tu m'hê vuluto bene a me!
Mo nun ce amammo cchiù,
ma ê vvote tu,
distrattamente,
chiamme 'a me!...
Негізгі бет Музыка SERGIO BRUNI - REGINELLA
Пікірлер: 16