筆者今次搵阿師父東睇下佢架 TT02 點解係 油麻地渡船街遙控車場 跑得咁好。 有好多人話 TT02係要高手先至整得到快, 究竟距要幾高手先至玩到呢?
其實睇返師傅東架車,真係冇乜改嘢。 全部真係針對返 TT02 嘅問題, 好實務咁樣去整架車。
基本係分兩部分:
第一部分就係針對返 TT02 本身嘅問題。呢部分其實得一樣嘢, 就係架車點解行唔直。 解決方法真係好簡單, 就係換咗個 servo saver 就得啦。 因為原裝車過 servo saver 虛位超多, 換返原裝嗰件改裝件架車就可以行到直啦。
第二部分 就 同其他車一樣 係針對返用嚟調整車架性能嘅零件。
1. 轉向推桿 - 等你可以調整車子 toe in/out。 用嚟 調整 toe out 多小, 嚟幫助容易入彎。 一般都會調有1度 toe out。 大多時候 toe out 度數越大嘅時候 都會易入彎的, 但當然唔可以過份多啦。
2. 有 toe in 度數尾杯 - 一般可以選擇 2~3度的 toe in 尾杯。 用咗之後 度數越大出入彎加速時多數會尾比較穩定,但多不會超過3度。
3. 換咗套快牙 mount 同埋可以調整更廣泛嘅摩打座 - 呢樣嘢冇乜特別, 只係可以選擇更加多唔同嘅齒輪比 配合場地同埋你用嘅摩打。 當然嗰個摩打咗變咗做金屬 可靠性都會高啲嘅。
4. 換咗套原廠田宮 CVD 膠油壓 - 油壓呢部分真係好重要 ! 唔理你玩乜嘢車你整得好套油壓 可以有天同地嘅分別。 油壓調整會影響你前後車架力嘅轉移,而且 TT02 車架因為冇 Down stop 調整控制前後左右滾動幅度 等等。 所以就需要喺油壓芯裡面加上不同厚度介子,用來調整 前及後 Droop 量。
而前後油壓芯加多小厚度介子來控制 Droop 量呢?有興趣的朋友可以在 Facebook 問問 師傅東。 彈弓方面呢 佢都係用返 雙星 頭硬尾中的 TRF 彈簧。車高同埋用幾多號油呢? 你就要即場問下師傅東啦 !
其實架 TT02 就係整咗咁小嘢。
然後最重要好唔好跑呢 就好睇返 你用乜嘢(車呔) 同埋(呔水), 呢啲直接影響 同地面 抓著力嘅嘢。呔方面基本到係行 (RUSH 36X/40X) 左右看地面 狀態(如會否比有甩尾或 個拗轉彎反車), 再加上好重要嘅 (黃罐 軚水)。
如果你係新玩嘅朋友, 千祈唔好諗要嗰個動力 又爆又快。 其實你係玩唔到㗎 ! 尤其是我哋玩呢啲房車係要 慢入灣 快出彎,圈速先至會快。 一般建議呢都係用返 13.5 T, 唔好開 Booster ,之後行回 zero timing,然後配一個比較快嘅齒比。 咁樣你仲容易跑得快啲。
玩電房車仲有一樣嘢 就係嗰個伺服器, 真係唔好配得太慢嘅 型號。 起碼都要 CYS - 2305 200蚊左右嘅高速伺服器。 唔係真係會唔夠快回軚, 而好似 S3003 呢一類真係唔建議用。
最重要當然係自己用心駕駛。 新朋友留意一樣嘢, 地面狀態會因為天氣等等而改變。 並非每次行出嚟都一模一樣, 所以需要自己嘅技術 去修正些微偏差。 不要過份墮入 調整車子嘅無間道。 駕駛方面 可能新朋友唔相信, 如果你控制唔到架車時, 改為入彎前完全放曬油流入去, 隨時畀你亂咁踩油 時間更加快 更加容易貼住條賽道嚟玩。
以下是相關零件 :
Article number: 300054752 Product: TT-02 Steering Parts Set w/ HT Servo Saver(這份是特別套裝,連多了一套金屬轉向。
www.tamiya.de/...
Tamiya 54500 TT-02 High Speed Gear Set(68T) OP-1500
www.tamiyausa....
Yeah Racing Aluminum Adjustable Motor Mount For Tamiya TT02 TT02B #TT02-013BU
www.rcmart.com/...
Негізгі бет 師傅東同你一齊玩 雙星 TT02 (中文 粵語) 條片拍得唔好記得睇返下面說明 有詳細小許用文字寫返。
No video
Пікірлер: 40