Өнөө үед энэ цагт ид хурдалж байгаа цуут хурдан хүлэг бол Монгол түмний төрт ёсны их баяр цэнгэл Үндэсний их баяр наадамдаа 6 түрүүлж 2 айрагдаад байгаа Өвөрхангай аймгийн Хайрхан Дулаан сумын уугуул МУТМУяач Эрдэнэбатын Эрдэнэчулууны уяж хурдлуулдаг Дундговь аймгийн Өлзийт сумын уугуул Мон Уран ХХК ны захирал Б.Наранхүүгийн алдарт шарга азарга билээ. Шарга азарга нь Морин тойруулгын Тогоруу халтар азарганы үр халтар азарганы төл бөгөөд эх нь Хэнтий аймгийн Галшар сумын харъяат зулзага хэмээх Доржийн адууны гаралтай цагаан гүү байсан гэдэг. Шарга азарга нь анх 2000 онд шүдлэн насандаа улсын наадам, Архангай аймагт болсон Тамирын хурд наадамд дараалан түрүүлж, Хэнтий аймагт болсон Өвгөн ноёны нэрэмжит наадамд айргийн гуравт хурдалжээ. Хязааландаа улсын наадамд айргийн дөрөвт давхиж, Төв аймгийн Баяндэлгэр суманд болсон Шувуун саарал наадамд түрүүлсэн байна. Харин соёолон насандаа улсын наадам болон Дундговь аймгийн 60 жилийн ойн наадамд түрүүлсэн. Азарга насанд нийлээд хавчигтаа улсын наадамд айргийн дөрөвт хурдалж, 7-н насандаа улсын наадам, Их хурд-3 уралдаан, Алтан овооны их тахилгын наадам, Дорнод аймагт болсон Дэмид жанжны нэрэмжит наадамд тус тус түрүүлжээ. Мөн 10 насандаа улсын наадамд 4 дахиа түрүүлж, Их хурд-4 наадамд аман хүзүүнд хурдалж үнэнхүү хурдан хүлэг олохоо харуулсан билээ. 11 насандаа буюу 2008 онд улсын наадамд 5 дахь удаагаа түрүүлж, өнөө жил 12 насандаа Төрийнхөө наадамд 6 дахь удаагаа түрүүлж олон түмнийг баярлуулж ийнхүү улс бүсийн болон шигшмэл хурдан морьдын уралдаануудаас нийт 12 түрүү 4 айраг аваад байгаа энэ цагийн онц хурдан хүлэг яахын аргагүй мөн билээ.
- 15 жыл бұрын
Sharga azraga 1
- Рет қаралды 210,667
Пікірлер: 23