شِیه مُرید
بیا کہ بیاهات اِت ڈاڈر ءِ وش لبزیں کُلی
مَنی مَهرَمیں دوستانی هَکیکَتیں هَمبَلی
راز تَرا گون اَنت پَر منءَ دُرِّیں هانگُلی
راست بُگُش مُرگ کہ تو مَنی دوستءِ کاسد اِت
گُوڑاں هانیءِ گَم کَشِّیں دل ءِ هالانوں بیدے
پَر مَنی پُونزءَ بُوه تَئی گوشے وَشّ اِنت اِمبَری
مُرگ تَرا بَس اِنت نِند ءُ نِیاد مُرگانی رِدءِ
ماه ءُ سَال گوازینت اَنت وَتی پَنچ ءُ پَانسد ءِ
نِندگءَ نئیل اَنت هانگُلی بے گَنجیں زَهیر
مُرگ منی چَمانی سوچوکیں اَرساں بِہ گِر
سَبز ءُ گورونڈ اِنت ڈَاڈَر ءِ پَراه لَمبیں کَهیر
رِندانی دیوان مجلس ءُ داستان اِنت امیر
چاکر ءِ شیهک هور گونا چَنگانی دَلیر
تانهاں پولِنگ نَہ بَنت مرد ءِ با وزیر
شرتاں پَہ کاڈانی سرءَ کَار اِت دَادگیر
مَن نَزانتَگ که چَاکر ءِ شیهک چوش کَنت
جَاڈو ءِ بَچّ ءَ گوں پِت ءِ دَست ءَ کوش کَنت
هیبَتان بیبَگر ءِ گڑیں بَگّ ءَ پُروش کَنت
هانی ءَ بارت ءُ من ءَ پُونز ءُ گوش کَنت
چاکر ءِ شیهک گر مَنی پُشت ءَ زور بیت
آپ هما وَشّیں پَر تئی واستا سُور بیت
بستَگیں گرنچ ءِ پَچ کَنَگ زیاده زور بیت
آ مُرادانی مکسدءَ گوشت اِت بهت ءِ کور بیت
شربَت ءُ وشتامیں دَپار نُکَّ جور بیت
تو منءَ دهوکہ داتگ اَت ٹِک ءُ زاهرءَ
واده ءُ شرت بَستگ اَت منی دِشتارءِ سرءَ
آس مَنی بالاد ءَ جَتَگ مِسلے اَنگر ءَ
سُجده مَن دورداتَگ هالِک ءِ پُلِّیں پَتَّر ءَ
دُوا مَن لوٹ اِت هَما اوّلی روچ ءِ پیسر ءَ
بے اُمیت بات اِنت چَه هانی ءِ پُلیّں بستر ءَ
نَرم ءُ نابود اِنت کہ نَہ بارت پُلّیں اِسپر ءَ
ٹِک کَنت تیر ءَ که مَن جناں مُهریں سَنگر ءَ
بلے شَور ئے ڈامیچ اَنت رِچنت ماننده ءِ پُر ءَ
نیّت ئے هَست اِنت مَن کَناں لیب ءُ مَسکرا
گوشتگ هانی ءَ گوں مَزِن نامیں چَاکر ءَ
کہ پرچی زوراں جنیت منی بالشت ءِ سر ءَ ؟
کہ مَئیگ ءُ تئی نزیکی شوتگ داں روزے مَهشر ءَ
Негізгі бет Ойын-сауық Sheh Mureed - Siddik Baloch سِدِّیک بلوچ - شیه مُرید
Пікірлер: 5