Abone OL: goo.gl/W99fFm
Copyright © ARB Şəki
Sayt: goo.gl/NfKDu5
Facebook: goo.gl/XVhVzG
Vətən müharibəsi başlar-başlamaz o da döyüşlərə qoşulmuşdu. Tək arzusu torpaqlarımızın azad edilməsi idi. Elə bu məqsədlə də canını Vətən uğrunda sipər edərək şəhadətə ucaldı. Qəhrəman şəhidimiz Saleh Məmmədovun şərəfli ömür yoluna birlikdə nəzər salaq...
Saleh Məmmədov 1995-ci il fevralın 9-da Şəkinin Aşağı Göynük kəndində anadan olub. 2012-ci ildən hərbi xidmətini sülhməramlı qrupun tərkibində yerinə yetirən Saleh hərbi biliklərə peşəkarcasına yiyələnib. Azərbaycan ordusunun baş çavuşu xidmətdə fərqləndiyinə görə dəfələrlə fəxri fərmanlar, medallarla təltif olunub. O, Aprel döyüşlərində də cəbhədə mərdliklə vuruşmuşdu. Elə Vətən müharibəsi başlayanda da Saleh yüzlərlə vətən oğlu kimi torpaqlarımızın azadlığı uğrunda döyüşlərə atılıb, qəhrəmancasına mübarizə aparıb. Cəbrayılın, Füzulinin və Qubadlının azadlığı uğrunda gedən şiddətli döyüşlərdə Saleh böyük şücaət göstərib. Qubadlı uğrunda döyüş zamanı baş çavuş Saleh Məmmədov xüsusi əməliyyatı yerinə yetirərkən qəhrəmancasına şəhid olub. Qəhrəman şəhidimiz ölümündən sonra "Vətənə xidmətə görə ordeni", "Vətən uğrunda", "Cəbrayıl , Qubadlı və Laçının azad olunmasına görə" medalları ilə təltif olunub. Bəli, Saleh və onun kimi qəhrəman zabit və əsgərlərimizin qanı ilə otuz illik işğaldan sonra bənzəri olmayan Zəfər salnaməsi yazıldı. O salnamə ki, min illər boyu qürurla vərəqlənəcək, fəxrlə anılacaq...
#GünəDavam #şəhid #SalehMəmmədov
Негізгі бет Shehid Saleh Memmedovun doyush yolu | Gune Davam
Пікірлер: 33