" G'avg'o " Kelasanmi? Qaytib kelasanmi, ayt? Ishqsizlik libosin kiyganimda ham. Sevasanmi? Meni shunday sevasanmi, ayt? Ismingni unutib qo'yganimda ham. Kelaman! Kelganimdan bo'lgaymisan lol, Ishqsizlik libosin otdingmi yechib? - Kimdandir kechishni nimasi halol? - O'zimni topganman o'zimdan kechib. Zero, kechmoqlikni qo'yaymi qulflab, Eng chuqur zindonga tashlaymi? Ista, Yuragimni senga qo'yay muhrlab, Azizam, ayriliq qo'rqinchli his-da! Qo'rqaman! Kechishning badali yomon, Yostig'imni sog'inch quritdi axir. Visolni simirib ko'rmadim hamon, Hijronning mevasi bunchalar taxir. Ketdim! Yana qaytib kelishim uchun, Ketding! Yana qaytib kelasanmi, ayt? Sevdim! Seni ko'proq sevishim uchun, Sen-chi? Meni shunday sevasanmi, ayt? Keldim! G'avg'olarni o'tmishga tashlab, Kerakli g'avg'oni sendan olishga. Endi qasam ichgin ko'zingni yoshlab, Mensiz dunyoda ham menda qolishga SVARCHIK TALABA
Пікірлер: 494