Letra: Florencio Delgado Gurriarán, adaptación do poema “Aí vén o maio” ("Bebedeira", 1934)
Música: Sabela Galbán
Arranxos: silvaRedonda
Gravación e mestura: Álvaro Cardalda e Manuel Dopico, no Estudio Xirín
Cámara e montaxe: Beabesada Estudios
silvaRedonda somos:
Félix Rodríguez (bombardino e voz)
Manuel Vicente (bombo con pratos e voz)
María Varela (clarinete e voz)
Martiño Galbán (tambor e voz)
Pablo Gómez (gaita e voz)
Raquel B. Prol (gaita e voz)
Sabela Galbán (acordeón e voz)
“O Maio” foi filmado en abril de 2024 nos prados de Asados (Rianxo), lugar do insigne poeta Manuel Antonio, en cuxos versos vogan mastros e velames. A 218 km., no lugar de Córgomo (Vilamartín de Valdeorras), naceu Florencio Delgado Gurriarán, que en 1934 vería publicado "Bebedeira" (Editorial Nós), no que se inclúe “Aí vén o Maio”, poema inzado de cores estacionais que evocan a paisaxe da Galiza interior. Nese mesmo ano, na III Asemblea do Partido Galeguista, coñecería outro ilustre rianxeiro: A. R. Castelao, con quen compartiría o soño nacionalista e a quen en 1975 lle dedicaría o poema “O Guieiro”. Malia a desesperanza reflectida nestes versos, o valdeorrés porfiaba: “a Galiza é máis forte que o malfado”. Nós, contra o malfado, apañamos os maios.
Naquela III Asemblea, a mestra Mercedes Docampo afirmou nun ovacionado discurso que os resultados das loitas galeguistas “vivirannos os nosos fillos, as xeracións que veñen, ás que temos a obriga de legarllos {…}, para que bendizan os nosos nomes, coma nós bendecimos os nomes dos nosos Precursores”. Nós, tamén conscientes deste deber, lembramos e perseveramos.
Негізгі бет silvaRedonda - O MAIO
Пікірлер: 7