#news #samagijanabalawegaya #sajith #sajithpremadasa #heshawithanage #2024
රට විනාශ කරන රනිල් අනුර සන්ධානය දිනවනවාද
ජනතාව රජ කරවන සමගි ජන බලවේගය දිනවනවාද
තීන්දුව ජනතාව අතේ - විපක්ෂ නායක සජිත් ප්රේමදාස මහතා
අද වන විට රටේ ජනතාව සතුව පැහැදිලි තීන්දුවක් ගැනීමට ඇති බවත් තවදුරටත් රට විනාශ කරන්න රනිල් අනුර සන්ධානයට සහයෝගය ලබා දෙනවාද එසේ නොමැතිව ලක්ෂ 220ක් වූ දුක්විදින ජනතාව රජකරවන්න පොදුජන යුගයට වරම දෙනවාද කියා ජනතාව තීන්දු කළ යුතු බවත් විපක්ෂ නායකවරයා පැවසීය.
මෙරට නැවත වරක් සංවර්ධන යුගයක් බිහි වෙනවාට කර්මාන්තශාලා බිහි වී රැකියා බිහි වී දුප්පත්කම තුරන් කරන යුගයක් බිහි වෙනවාට රටේ අස්සක් මුල්ලක් නෑර ගම් හදා නගර හදා රට හදන වැඩපිළිවෙළක් බිහි වෙනවාට රනිල් අනුර සන්ධානය විරුද්ධ බවත් ඒ නිසා රනිල් අනුර කල්ලිය දිවා රෑ නොබලා සමගි ජන බලවේගයේ පරාජය වෙනුවෙන් කුමන්ත්රණ කරන බවත් ඒ කුමන්ත්රණවලට රටේ ජනතාව රැවටෙන්නේ නැති බව තමා දන්නා බවත් විපක්ෂ නායක සජිත් ප්රේමදාස මහතා පැවසීය.
2024 ජනාධිපතිවරණය වෙනුවෙන් සමගි ජන සන්ධානයේ 52 වැනි විජයග්රාහී ජන රැළිය විපක්ෂ නායක සජිත් ප්රේමදාස මහතාගේ ප්රධානත්වයෙන් සැප්තැම්බර් 14 වෙනිදා රත්නපුර දී අතිසාර්ථක අන්දමින් පැවැත්විණි. මෙහි දි අදහස් දක්වමින් විපක්ෂ නායක සජිත් ප්රේමදාස මහතා මේ බව කියා සිටියේ ය.
එක් කණ්ඩායමක් ෆයිල් මිටි උස්සන් ගිහින් හොරු අල්ලනවා යැයි කිව්වත් සමගි නීතීඥ මණ්ඩලය සහ බුද්ධි මණ්ඩපය ශ්රේෂ්ඨාධිකරණයට ගොස් රට බංකොලොත් කළ රාජපක්ෂලාට විරුද්ධ ව මූලික අයිතිවාසිකම් නඩුවක් දමා හතරෙන් එකක් තීන්දුවක් ගෙන ඔවුන් අධිකරණය හමුවේ වැරදිකරුවන් ලෙස නම් කර ඇති බවත් සැප්තැම්බර් 21 සිට ඒ නඩු තීන්දුව හරහා වන්දි ලබා දීමට ද කටයුතු කරන බවත් විපක්ෂ නායකවරයා මෙහි දී පැවසීය.
අපි මැණික් හා ස්වාර්ණාභාරණ ක්ෂේත්රය වෙනුවෙන් ජාතික ප්රතිපත්තිය සකස් කර අවසන්
පතල් කර්මාන්තයේ කුලී කම්කරුවාගේ සිට මැණික් හා ස්වර්ණාභරණ කර්මාන්තයේ අපනයන කරුවන් කර්මාන්තශාලාකරුවා, පුහුණු කරන්නා, වෙළෙන්දා අතරමැදියා ඇතුළු කැපකිරීම් කරන කම්කරු ප්රජාව ඇතුළු මැණික් හා ස්වර්ණාභරණ ක්ෂේත්රයේ සෑම පාර්ශ්වයක් වෙනුවෙන් ම මැණික් හා ස්වර්ණාභරණ ජාතික ප්රතිපත්තිය එළි දැක්වූ බවත් එසේ ම කිලෝ 50 පොහොර මිටිය රුපියල් 5000ට ලබා දී ගොවිතැනේ නියැලෙන ජනතාවට ශක්තිය ලබා දෙන්න කැපවෙන බවත් විපක්ෂ නායකවරයා පැවසීය.
රත්නපුරේ මැණික් ඉඩම් ගෝඨා විකුණද්දි විරුද්ධ වුණේ අපි
ගෝඨාභය රාජපක්ෂ රජය රත්නපුර ඇතුළු ලංකාවේ මැණික් ඉඩම් ටික විදේශීය රටවලට විකුණන්න හැදූ බවත් එයට විරුද්ධව පාර්ලිමේන්තුවේ ලොකුම හඬ නගා එය නතර කළේ සමගි ජන බලවේගය හා සමගි ජන සන්ධානය බවත් වතු ප්රජාව වෙනුවෙන් කළ හැකි ඉහළම යුතුකම ඉටු කරමින් වතු ප්රජාවත් රැකියා නොමැති තරුණයන්ටත් කුඩා තේ වතු හිමියන් ලෙස ජන සමාජයේ අභිමානවත් ජීවිතයක් ගත කර කරන්න වරම් ලබා දෙන බවත් විපක්ෂ නායකවරයා පැවසීය.
කාන්තාව මූලික කර ගෙන දුප්පත්කම තුරන් කරනවා
නිවාස නොමැති ජනතාවට නිවාස ලබා දීමේ වැඩසටහන් මෙන්ම ගෘහයේ කාන්තාව කේන්ද්ර කර ගෙන දුප්පත්කම තුරන් කිරීමේ වැඩසටහන ක්රියාත්මක කරන බවත් මාස 24ක් තුළ රු. 20000 බැගින් ලබා දි දුප්පත්කම තුරන් කිරිමට කටයුතු කරන බවත් විපක්ෂ නායකවරයා වැඩිදුරටත් පැවසීය.
Негізгі бет රට විනාශ කරන රනිල් අනුර සන්ධානය දිනවනවාද? ජනතාව රජ කරවන සමගි ජන බලවේගය දිනවනවාද? තීන්දුව ඔබ අතේ
Пікірлер: 2