Bu gün Skautların Avarçəkmə Düşərgəsi sona çatdı. 3 gün müddətində təşkil olunmuş düşərgə müxtəlif fəaliyyətlərlə yadda qaldı.
Azərbaycan Skautlar Assosiasiyası tərəfindən təşkil edilmiş düşərgə Azərbaycanda keçirilən ilk avarçəkmə düşərgəsi idi.
Düşərgənin əsas məqsədi yeniyetmə və gənclər arasında Olimpiya Oyunlarında və Dünya Kuboklarında Azərbaycan idmançılarının uğurla çıxış etdikləri avarçəkmə idman növlərinə marağın artırılması və Mingəçevirdə skaut hərəkatının təbliğindən ibarət idi. Düşərgə zamanı iştirakçilar kanoe, baydarka ilə üzmə bacarıqları öyrənmiş eyni zamanda skaut metodları və ənənlərinə uyğun olaraq fəaliyyətlərlə məşğul olmuşlar.
Qeyd etmək lazımdır ki, düşərgənin təşkil olunmasında Azərbaycan Respublikasının Təhsil nazirliyinin nəzdində fəaliyyət göstərən Avarçəkmə üzrə Uşaq Gənclər idman məktəbi, Mingəçevir Şəhər İcra Hakimiyyəti, Mingəçevir şəhər Uşaq Yaradıcılıq Mərkəzi, Fövqəladə Hallar nazirliyi, GoCamp şirkəti, Adrenaline Outdoor Extreme Club yaxından dəstək göstərmişdir.
Негізгі бет Skautların Avarçəkmə Düşərgəsi - 2016
Пікірлер