خطوات التعويض كالتالي:
أول شي الحمد على السلامة
أول ما يصير لك الحادث لا قدر الله بلغ المرور بالحادث.
صور موقع الحادث من كل الجهات وصور الضرر والحفره من قريب ومن بعيد واذا وصل المرور حاول تصور الحادث والدورية موجودة في الحادث عشان تبثت الحادث وانه غير مفبرك.
احفظ موقع الحادث باللوكيشن عن طريق خرايط قوقل.
اذا وصل المرور أو نجم بيحط وصف الحادث ((صدم جسم ثابت)). وبيحط الخطأ ١٠٠٪ على الطرف الاخر الي هو الجسم الثابت.
اذا كان اسم الشركة منفذة الحفرية أو الشارع موجود ممتاز. كذا تختصر الطريق ويصير المرور أو نجم يكتب في التقرير أن الطرف الثاني شركة كذا .
من بكره تراجع المرور ويطلبون منك تقديرات الحادث .
اذا اسم الشركة موجود عند الحفريه ممتاز يصير بعد التقديرات، المرور يرسل لهم خطاب اشعار بالمراجعة للسداد.
اذا اسم الشركة موب موجود، بعد التقدير بيعطونك خطاب موجة لإدارة التنسيق والمتابعة التابع للبلدية في حي المغرزات عشان يطلعون لك اسم الشركة المنفذة للمشروع ( ولحظتها حاول تجيب معك مخطط لوصف الموقع وترفق مع المعاملة كل الصور وأفضل لو تصير ملونة.
هذا موقعهم ادارة التنسيق والمتابعة التابع للبلدية في الرياض : www.google.com...
اذا زودوك باسم الشركة المنفذة تراجع المرور عشان يرسلون لهم اشعار بالمراجعة والسداد.
اذا ما تجاوبوا، يحولك المرور إلى ادارة المرور بالناصرية عشان يوقفون اصدار التراخيص عندهم لحين السداد.
وبعدها بيسددون غصبن عنهم...
ترى الإجراءات سهله جدا ولا تاخذ أكثر من سبوعين لكن كتبتها بالتفصيل عشان توصل المعلومة أكثر .
نصيحة: حاول تاخذ المعاملات معك مناولة عشان تسرع بالاجراءات لانها لو راحت للصادر والوارد بتاخذ لها وقت
وما راح حق وراه مطالب .
واذا عندك أي استفسار راسلني وانا تحت أمرك :
سناب: hithampa@
أو اضغط هنا / hithampa
************************************
تويتر: Hithampa@
أو اضغط هنا / hithampa
************************************
انستقرام: Hithampa@
أو اضغط هنا / hithampa
************************************
بريد الكتروني: hithampa@gmail.com
بالتوفيق للجميع ،،،
Негізгі бет #سناب_هيثم
Пікірлер: 399