"SO'ROQLOVCHI"
Ko'rmaganman.Bilmadim deysiz?
So'roqlaydi meni bir kimsa...
O'layotur butun bir millat-
So'roqlovchi nega sen jimsan?
Qay tartibda sening qiyofang?
Niqobingga o'qilgan hukm.
Bir odamdek dunyoda nahot
Olomasang millatning yukin?
Men bilaman naqadar qo'rquv.
Xatar bo'lar gapirmoq haqqni.
Ayt seningcha haqiqat uchun
Tug'ulganlar dorga ilhaqmi?
Nahot ongning ko'zini bog'lab...
Fikrlarni itqitsang jarga?
Aylanarlar odamlar boshsiz
Ro'yhatdagi yangi savolga...!
Yashab turib sodir etmaslik...
Ko'rish yoki anglash imkonin.
Pastda o'ylar,tepada esa
Odamlarning chuqur hamyoni..
Buyruqlarning vaznini xalqning
Yelkasiga tashlamoq ilib.
Yiltilaydi uzun kelajak
Oldindagi sirtmoqlar bo'lib.
Nahot aksin ko'rolmas dunyo
Ketayotur yo'lar bo'linib...
Uyg'otmasmi qarashlaringni
UXLAYOTGAN MILLAT O'LIMI?.
Shahina Abdurazzoq
Негізгі бет "SO'ROQLOVCHI" - Shahina Abdurazzoq
Пікірлер