ХУДО ЁР
Қазиб кўрдим гўримни, кўп эмас сал тор келди,
Демак ҳали ҳаётим озми, кўпми бор келди.
Баҳслашдим сиз билан вақт кетказиб халойиқ,
Юрагимга хазонрез, сочларимга қор келди.
Баҳор келди, ёз келди, мендан бошқа ерларга,
Нигоҳимга рўбарў ишлатилган дор келди.
Бир келмади дўстгинам қора қилиб қорамни,
Алмисоқдан қисматим дўст деса абгор келди.
Муҳаббатни билмадим, нафрат шакли бор туйғу,
Туриб бераман дея келса фақат ор келди.
Худо келди ёдимга, шабадага айландим,
Сизга эргашди Шайтон, менга Худо ёр келди.
Навоийлик АЛИШЕР
14.07.2022
21:09
@NavoiylikALISHER1
Негізгі бет Sokin musiqa va she'r | Xudo yor - Navoiylik Alisher | Firdavs Shokirxo‘ja o‘qidi
Пікірлер